Mas detalyado ang bagong listahan ng mga ipinagbabawal dalhin ng mga pasahero sa airport na inilabas ng Office for Transportation Security o OTS.
May nadagdag rin na bagong items sa listahan
Kabilang dito ay ang mga naibentong bagong gamit gaya ng lipstick at flash flight na stunning device.
Ayon sa OTS, delikado itong dalhin ng pasahero sa kanilang hand carry baggage subalit pahihintulutan naman sa check in baggage.
Ang lighter na pinapahintulutan dati na maisama sa check in baggage ay hindi na pwedeng ipasok ngayon sa mga paliparan
Lahat ng uri ng firearms maging mga pellet gun at laruang baril hindi narin pahihintulutan sa loob ng paliparan
Lahat ng mga matutulis na bagay gaya ng kutsilyo at iba pa, bawal sa hand carry baggage subalit pwede sa check in baggage
Maging mga canned good na may easy open lid bawal rin sa hand carry baggage dahil kinokonsidera ito na may matulis na bagay
Anumang bagay na may hangin sa loob gaya ng bola ng basketball at mga katulad nito, kailangan munang paimpisin dahil maaaring sumabog kapag magbago ang pressure sa paglipad ng eroplano.
Bawal pa ring dalhin sa hand carry baggage ang lahat ng mga liquid o gel na lalagpas sa 100ml.
Mula pa noong Setyembre ay hindi na pinahintulutan ng Office for Transportation Security na hawakan ng mga screener ang bag ng mga pasaherong pumapasok sa airport.
Isa ito sa mga hakbang na ginawa ng OTS upang maiwasan ang di umano’y paglalagay ng bala sa bagahe ng mga pasahero sa NAIA.
Nito lamang lunes, nagdagdag ng cctv ang Manila International Airport Administration sa iba’t ibang lugar sa paliparan partikular na sa initial check in area.
Pahihintulutan rin ng MIAA na magkaroon ng access ang mga pasahero sa mga cctv kung sila ay mayroong reklamo o sumbong.
Bukod dito ay maglalagay ng tv monitor ang MIAA sa lahat ng mga gate sa mga terminal na nagpapakita ng mga larawan ng bawal dalhin sa loob ng paliparan.
Subalit sa kabila ng mahigpit na screening procedure sa airport mayroon pa ring nahuhuli na may dalang live ammunition o baril.
Noong 2014 umabot sa 1,510 ang nahulihan ng armas at bala sa buong NAIA Complex samantalang ngayong taon, nasa 1,212 lamang ang nahulihan mula Enero hanggang Setyembre.
Ngayon myerkules, isa na naman ang nahulihan nang bala sa bagahe.
Ayon sa batas, kapag ang isang pasahero ay nahulihan ng armas o illegal items maaari siyang makulong ng anim hanggang labing dalawang taon.
Syon sa DOTC, mas mahigpit ang parusa sa ibang bansa gaya sa Ireland na kung saan maaaring makulong ng labing apat na taon ang sinomang mahuhulihan ng bala. (Mon Jocson / UNTV News)
