Muling pinalawig ng Korte Suprema ang pinalabas na status quo ante order sa kasong plunder ni dating pangulo at ngayo’y Pampanga Rep. Gloria Macapagal-Arroyo.
Dahil dito, hindi muna maaaring magsagawa ng anumang pagdinig sa mga kasong kinakaharap ni Arroyo.
Matatandaang noong Oktubre 2014 ay umapela sa SC ang kampo ni Arroyo. Pinaboran ito ng mga mahistrado sa pamamagitan ng pagpapalabas ng 30-day status quo ante order.
Napaso ang nasabing resolusyon noong November 21 kaya’t muli itong pinalawig ng SC ng 90 araw.
Tags: dating Pangulong Gloria Arroyo, Pampanga Rep. Gloria Macapagal Arroyo
Wala naipresentang testigo ang Ombudsman upang patunayan na nakinabang at nagkamal ng yaman si dating Pangulong Gloria Arroyo mula sa intelligence fund ng PCSO.
Ito ang paliwanag ng Supreme Court sa kanilang desisyon kaya’t dinismiss ang kasong plunder ni Ginang Arroyo.
Ayon sa Korte Suprema, wala ring ebidensiyang nagpapatunay na napunta kay Arroyo ang 366-million pesos na pondo ng PCSO.
Sa ilalim ng plunder law, kailangang nakapagnakaw ng hindi bababa sa 50-milyong piso ang isang opisyal ng gobyerno upang mahatulan ito ng plunder.
Sinabi pa ng korte na walang alegasyon at hindi napatunayan ng Ombudsman na may sabwatan sa pagitan ni Arroyo at ng mga dating opisyal ng ahensiya.
Hindi umano sapat ang pag-apruba ng dating pangulo sa pagpapalabas ng pondo bilang patunay na nakipagsabwatan ito.
Iginiit naman ni Chief Maria Lourdes Sereno sa kanyang dissenting opinion na sapat ang ebidensiya ng Ombudsman sa pakikipagsabwatan ni Arroyo at ng ilang dating opisyal ng PCSO
Patunay aniya nito ang paulit-ulit na pag apruba ng dating pangulo sa pagpapalabas ng pondo ng PCSO mula 2008 hanggang 2010.
Bilang pangulo, kontrolado aniya ni Srroyo ang pondo ng PCSO kaya’t dapat alam nito na may nangyayaring anomalya sa paggamit ng intelligence fund.
Para naman kay Associate Justice Marvic Leonen, hindi pa dapat makialam ang Korte Suprema sa ginawang pagdismiss ng Sandiganbayan sa demurrer to evidence ni Arroyo.
Magugunitang nagpetisyon sa Mataas sa Hukuman si Arroyo matapos hindi katigan ng Sandiganbayan ang kanyang hiling na mabalewala ang kanyang kaso.
Ayon pa kay Justice Leonen, dapat hayaan na lang muna ang Sandiganbayan na ituloy ang paglilitis sa kaso ni Arroyo at hayaan itong magpresenta ng kanyang depensa.
(Roderic Mendoza/UNTV Radio)
Tags: dating Pangulong Gloria Arroyo, Ombudsman, PCSO fund scandal
Pinagbigyan ng Korte Suprema ang hiling na birthday furlough ni dating Pangulong Gloria Arroyo kaugnay ng pagdiriwang ng kanyang kaarawan sa darating na Abril a-singko.
Ngunit sa halip na lima ay tatlong araw lamang na bakasyon ang ipinagkaloob ng Supreme Court at ito ay maaari lamang niyang gugulin sa kanyang tahanan sa La Vista, Quezon City mula alas otso ng umaga ng abril a-kwatro hanggang alas singko ng hapon ng Abril a-sais.
Kasalukuyang naka hospital arrest sa Veterans Memorial Medical Center sa Quezon City si Ginang Arroyo kaugnay ng kinakaharap niya na kasong plunder dahil sa umano’y maanomalyang paggamit sa 366-million pesos na pondo ng Philippine Charity Sweepstakes Office.
(UNTV NEWS)
Binigyan ng anim na araw na holiday furloughs ng Supreme court si dating Pangulong Gloria Arroyo.
Mula alas otso ng umaga ng December 23 hanggang alas singko ng hapon ng December 26 at mula alas otso ng umaga ng December 30 hanggang alas singko ng hapon ng January 2.
Ito ay sa kondisyon na tanging sa kanilang bahay sa La Vista Subdivision sa Quezon City lamang pupunta si Arroyo.
Ibinigay ang furlough sa dating pangulo habang nakabinbin sa Korte Suprema ang mosyon nito na isailalim siya sa house arrest.
Inatasan na rin ng korte ang opisina ng solicitor general na magsumite ng kanilang comment sa mosyon ni Arroyo. (Roderic Mendoza/UNTV News)
