Labindalawang bahay ang nasunog sa Singalong, Maynila kaninang alas tres y medya ng madaling araw. Dahil gawa sa light materials ang mga ito, mabilis na kumalat ang apoy.
Bunsod nito, itinaas ng Bureau of Fire Protection sa fifth alarm ang sunog makalipas lang ang tatlumpung minuto. Tinatayang dalawampu’t anim na pamilya ang naapektuhan ng naturang sunog.
Samantala, isang bumbero ang naiulat na nasugatan sa kamay habang rumeresponde na agad na nilapatan ng pangunang lunas ng mga first aid responder.
Hinimatay naman ang isang babae dahil sa suffocation sanhi ng makapal na usok.
(Asher Cadapan Jr. / UNTV Correspondent)
