Tumaas ngayon ang presyo ng mga paputok sa Bulacan.
Ayon sa mga nagtitinda ng paputok, naka-apekto sa bentahan nito ang pagtaas ng presyo ng potassium nitrate, potassium clorate at aluminum powder na ginagamit sa paggawa ng paputok.
Bukod sa tumaas ang presyo, naantala din ang pagdating sa bansa ng mga suplay ng kemikal na ginagamit sa paggawa ng local firecrackers.
Oktubre na nang dumating ang mga ito na dapat sana ay noon pang buwan ng Mayo.
Kabilang sa mga tumaas ang presyo ay ang small fountain na dating 15 pesos, ngayon 18 pesos na.
Ang sputnik fountain na mula sa 25-pesos ay naging 30-pesos na habang ang big fountain ay 60 pesos na ngayon mula sa 50-pesos na presyo nito noon.
Bukod sa mga pailaw, tumaas na rin ang betahan ng mga firecrakers at fireworks display.
(Nestor Torres / UNTV Correspondent)
Tags: Bocaue Bulacan, paputok, tumaas
MANILA, Philippines – Tuluyan nang ipagbabawal ni Pangulong Rodrigo Duterte ang paggamit ng paputok sa buong bansa.
Ayon sa Punong Ehekutibo, maglalabas siya ng isang executive order para rito
Ginawa ng pangulo ang pahayag nang pangunahan nito ang turnover ng housing units para sa mga sugatang sundalo at pulis sa San Jose del Monte, Bulacan noong Huwebes ng gabi.
Ayon kay Pangulong Duterte, mapapribado o gobyerno man ay ipagbabawal na ang paggamit ng paputok, “I will issue the executive order at this early, para warning na dun sa lahat that I am banning firecracker all together.”
Pinabulaanan din ng punong ehekutibo ang paniniwala ng iba na nakapagpapalayas ng masamang isipiritu ang mga paputok, “yang firecracker, do not believe na paalisin mo ang devil. Kay sa totoo lang, yung kaharap ninyo nagsasalita ngayon, isang demonyo”
Batay sa pinakahuling tala ng Department of Health, 34 na porsyento ang ibinaba sa bilang ng fireworks-related injuries noong holidays mula December 21, 2018 hanggang January 5, 2019 kumpara noong nakaraang taon
Matatandaan na noong June 20, 2017 nang pirmahan ng Pangulo ang Executive Order 28 na nagkokontrol sa paggamit ng firecracker at iba pang pyrotechnic devices kung saan mga lisensyadong indibidwal na lamang ang maaaring magpaputok at mga community fireworks display na lang din ang pahihintulutan sa pamamagitan ng mga lokal na pamahalaan.
Matagal nang adbokasiya ng UNTV ang paghikayat sa publiko na huwag nang gumamit ng paputok tuwing magpapalit ang taon.
Tags: bawal ang paputok, firecracker ban, fireworks, pangulo, paputok, Rodrigo Duterte, total ban, Total ban sa mga paputok
BOCAUE, Bulacan – Tumaas na ng mahigit 30% ang halaga ng paputok ngayon sa Bocaue, Bulacan.
Ayon sa mga matagal nang nagtitinda, kakaunti ang dumarating na suplay galing sa mga manufacturer. Ngayon lang umano nangyari sa ‘fireworks capital’ ng bansa na kinakapos sila ng stock ng mga paputok.
Marami aniyang manufacturer ang hindi na nagsuplay ng paputok at pailaw. Kabilang na rito ang Platinum at Diamond na mga kilalang fireworks manufacturer sa Bulacan.
“Expected naman na mataas kasi kulang mga suplay talaga. Mas maraming stock dati kaysa ngayon,” ani Marcelo Angeles, isang fireworks dealer.
Kabilang sa mga paputok na tumaas ang presyo ay ang sawa na 2000 rounds, mula sa dating ₱500 ngayon ay ₱750 na. Ang 1000 rounds na dating ₱300 ngayon ay ₱450. Ang 500 rounds naman na dating ₱150 ngayon ay ₱200.
Sa mga pailaw, ang 200 shoots na dating ₱20,000 ngayon ay ₱25,000 na. Ang 100 shoots naman na dating ₱3,500 ngayon ay ₱5,000 na. Ang 49 shoots na dating ₱2,000 ay ₱2,500 na at ang 16 shoots dating ₱500 ngayon ay ₱800 na.
Ang luces naman na dating ₱30 per bundle ngayon ay ₱35 na. Ang fountain na dating ₱25 ngayon ay ₱50 na.
Sa ngayon ay matumal pa ang bentahan ng paputok sa Bocaue, Bulacan. Ngunit inaasahan na mararanasan ang bulto ng tao sa ika-27 hanggang ika-31 ng Disyembre.
(Nestor Torres | UNTV News)
Tags: Bulacan, firecrackers, paputok, taas-presyo
METRO MANILA, Philippines – Inilabas na ng PNP Firearms and Explosives Office (FEO) ang listahan ng mga ipinagbabawal na paputok. Ayon kay FEO Spokesperson and Legal Officer PCI Domer Tadeo, inagahan nila ang paglalabas ng listahan upang malaman ng publiko ang mga hindi dapat bilhing paputok na nakalulusot sa merkado.
Kabilang aniya ang mga paputok na:
Narito ang ilan sa mga ipinagbabawal na paputok:
Bawal din ang watusi kahit na maliit lamang ito.
“Bawal po ‘yun (watusi) dahil harmful po ‘yun lalo na sa mga bata, ‘pag nakain o na-swallow. Kaya in coordination with DOH, ipinagbawal din natin yung ganoong klaseng paputok,” pahayag ni FEO Spokesperson PCI Domer Tadeo.
Samantala, kabilang naman sa mga paputok na maaaring gamitin sa mga itatalagang firecracker zone ay ang Baby Rocket, Bawang, El Diablo, Judas Belt, Paper Caps, Pulling of Strings, Sky Rocket o Kwitis at Small Trianggulo.
Babala ng opisyal, ang mga mahuhuling nagtitinda ng mga ipinagbabawal na paputok ay tatanggalan ng lisensya at kukumpiskahin ang paninda.
Ulat ni Lea Ylagan / UNTV News
