Umabot lamang sa 61 ang mga panukalang batas na naisabatas ng Kamara mula sa mahigit anim na libong bills na inihain ngayong 16th Congress.
Kabilang dito ang Sin tax law, K-12, Reparation and Recognition of Victims of Human Rights Violations during the Marcos Regime, RH Bill, 13th Month Pay and other benefits Tax Ceiling, Cyber Crime Prevention Act, Mandatory Biometrics Voter Registration, Anti-bullying Act, Lemon law, Competition Act, Cabotage Act Amendments, Graphic Health Warnings on Tobacco Products, Pagasa Modernization Act at iba pa.
Ayon kay House Speaker Feliciano Belmonte Jr., malaki ang maitutulong ng mga batas na ito hindi lang sa bawat indibiduwal at manggagawang pilipino kundi sa pagangat ng ekomoniya ng bansa.
Ipinagmalaki rin ng House Speaker na sa ilalim ng Adminstrasyong Aquino ay maagang naipasa ang panukalang pondo na hindi nagawa sa mga nagdaang administrastyon.
Subalit ang minorya sa Kamara hindi kumbinsido sa performance ng 16th congress.
Para sa minority mas marami paring mga panulakang batas na mas mapapakinabangan ng mga pilipino ang hindi naipasa.
Gaya ng FOI Bill, Anti Political Dynasty Bill, Genuine Agrarian Reform Bill, 125 wage increase at BBL.
(Grace Casin/UNTV News)
Tags: 16th Congress, panukalang batas
Pasado na sa ikatlo at huling pagbasa sa mababang kapulungan ng Kongreso ang panukalang batas na nagbibigay ng opsyon sa mga empleyado sa pribadong sektor na magtrabaho sa bahay sa pamamagitan ng telecommunication o computer technologies.
Base sa House Bill 7402 o panukalang “Telecommuting Act”, ito ay dapat na boluntaryong gagawin ng empleyado base sa kondisyon na pagkakasunduan nila ng kanyang amo.
Dapat ito ay nakabase pa rin sa labor standards gaya ng takdang oras ng trabaho, overtime pay, rest days at leave benefits.
Una na ring ipinasa ng Senado ang kanilang bersyon ng panukalang batas. Kapag pumasa na ito sa bicameral conference committee at naratipikahan ng dalawang kapulungan ng Kongreso, dadalhin na ito sa Malakanyang para lagdaan ng pangulo upang maging ganap na batas.
Nakahain ngayon sa mabababang kapulungan ng Kongreso ang isang panukalang batas na magtatakda ng national daily minimum wage.
Sa ilalim ng House Bill No. 7527, may kapangyarihan ang secretary ng Department of Labor and Employment (DOLE) na i-adjust ang rate.
Kapag naisabatas ang panukala, isasantabi na ang kasalukuyang sistema kung saan ang Regional Tripartite Wages and Productivity Board ang nagtatakda ng regional minimum wage rates.
Six hundred pesos ang inisyal na uniform daily minimum wage para sa agricultural and non agricultural workers.
Magiging aplikable ito sa regular, contractual o casual employees sa pribadong sektor.
Tags: Kamara, minimum wage, panukalang batas
Isang panukalang batas ang inihain sa Kamara ng Makabayan Bloc na naglalayong itaas ang sweldo ng mga employado ng gobyerno at mga nurse.
Target ng House Bill Number 7196 na gawing 16 thousand pesos ang minimum na sweldo ng mga ito.
Iginigiit ng Makabayan Bloc na dapat ring bigyang prayoridad ng kongreso ang nasabing panukala matapos dinoble ang sahod ng mga pulis at sundalo.
Makatwiran lang anila ang dagdag-sweldo dahil sa pagtaas ng pangunahing bilihin dulot ng implementasyon ng Tax Reform for Acceleration and Inclusion o TRAIN Law.
( Grace Casin / UNTV Correspondent )
Tags: Kamara, panukalang batas, TRAIN Law
