Noong Sabado ay naglabas ng warning ang Korea Meteorological Adminstration ng cold warning.
Ito ay ini-issue lamang tuwing bumababa sa -15 degrees celcius ang temperatura ng dalawang magkasunod na araw.
Kahapon, ika-24 ng Enero, ay umabot sa -18 degrees celcius ang temperatura dito sa South Korea, pinakamalamig na temperaturang naitala sa bansa mula noong january 2001.
Dahil dito maraming naitalang frozen-pipes at kaso ng hypothermia sa mga mamayan dito sa South Korea.
Mula noong January 20-23 ay nagtala ng 764 na kaso ng frozen pipes ang Seoul Metropolitan Government.
Ayon naman sa health ministry, noong linggo ay tumaas ang kaso ng mga pumunta sa ospital dahil sa cold-related illnesses katulad ng hypothermia at frostbite, mas mataas ito kaysa noong January 17-20.
Umabot sa 55 ang naitalang kaso kung saan 40 ang lalaki, at 13 naman ang nasa edad 50 pataas.
Pinayuhan ng health ministry ang mga mamamayan lalong lalo na ang mga bata at mga may edad na 65 pataas at ang may mga chronic conditions na manatili kung maari sa kanilang mga bahay, magsuot ng thermal underwear, makakapal na damit, medyas at sinelas kahit nasa loob ng bahay. Kung lalabas naman ay magsuot ng hat, scarf at gloves para mapanatiling mainit ang katawan.
Samantala, mahigit dalawang daang flights ang nakansela at isang daan mahigit ang nadelay noong sabado sa jejudo international airport dahil sa naitalang matinding pagulan ng niyebe (snowfall) at lakas ng hangin.
Ito ang pinakamatindign snowfall na naranasan sa bansa mula 1984 o 31 taon ang nakaraan.
Umabot sa 11 centimeters at 1-meter naman sa mountain areas ang kapal ng yelo.
Samantala, nag-anunsyo ng pagkakansela ng mga flight noong linggo ang Jejudo International Airport hanggang ngayong Lunes.
(Eric Ferrer / UNTV Correspondent)
Tags: Cold wave, eroplano, Jeju airport, South Korea
Naglabas ng anunsyo ang Korean Embassy sa Pilipinas sa kanilang Facebook page nitong May 31 na maaari nang makapasok kahit walang visa ang mga Pilipino sa Jeju Island at Yangyang sa South Korea simula nitong June 1.
Pwedeng manatili ang mga Pilipinong turista na bibisita sa Jeju Island sa loob ng 30 araw sa pamamagitan lamang ng direct flights at hindi pinapayagan na magtungo sa ibang rehiyon sa labas ng nasabing isla.
Dagdag pa nito, sa mga Pilipinong babiyahe sa Yangyang, maaari silang magtungo sa pamamagitan ng group tour program na kung saan may 8 designated travel agencies na pwedeng mag-avail sa nasabing programa at pwedeng manatili sa nasabing lugar hanggang 15 araw.
Bagaman maaaring bumisita sa mga lugar sa Gangwon Province at Seoul Metropolitan Area, dapat namang sumakay pauwi sa Pilipinas via Yangyang International airport.
Kinailangan rin na mag sumite ng negative RT-PCR test result sa loob ng 48 na oras o negative Rapid Antigen test result sa loob ng 24 na oras bago ang nakatakdang pag-alis sa bansa.
Exempted naman ang mga fully vaccinated na mga pasahero sa quarantine protocols basta’t kinailangang magpakita ng Q-CODE na naglalaman ng vaccination record bago umalis.
Umaasa ang embahada na maitataguyod at mapapaunlad ang “People-to-People Exchange” sa pagitan ng 2 bansa sa pamamagitan ng turismo dahil sa naturang programa.
(Daniel Dequiña | La Verdad Correspondent)
Tags: free visa, Philippines, South Korea
Pinahihintulutan na ng pamahalaan ang mga turistang Pilipino na bumiyahe patungong South Korea subalit bawal pa rin silang magtungo sa mga lugar na may mataas na kaso ng coronavirus infection partikular na sa north Gyeongsang province, Daegu City at Cheongdo County.
Ito ang isa sa napagtibay sa pagpupulong ng Inter-Agency Task Force on Emerging Infectious Diseases o IATF-EID.
Lahat ng nais bumiyahe patungong South Korea ay kinakailangang pumirma at magsumite ng isang deklarasyon na nauunawaan nila ang panganib sa kanilang kanilang gagawing pagbiyahe.
Mananatili namang ipinagbabawal na makapasok sa bansa ang mga biyaherong galing sa north Gyeongsang Province, Daegu City at Cheongdo County.
Samantala, naghahanda na rin ang Department of Foreign Affairs (DFA) para sa repatriation ng mga Pilipinong nais nang umuwi ng bansa mula sa Macau.
(Rosalie Coz)
Tags: Coronavirus, Covid-19, South Korea
Wala na sa hotel ang isang Koreanong galing sa Daegu City nang puntahan into ng mga tauhan ng Department Of Health (DOH) Region -7.
Kasama ito ng 26 na Korean nationals na dumating sa bansa noong February 25, 1 araw bago ibaba ang travel ban sa North Geyongsang South Korea.
“We just like to be very very sure na makita natin itong 26 na ito have them quarantined and of they whoe signs and symptoms we test them because they are coming from a place which is of high risk for all of us. And we know that they came from Daegu in South Korea” ani DOH Public Health Services Team, Asec Maria Rosario Vergeire .
Ayon sa DOH Region-7 17 sa mga korean national ang nakabalik na sa South Korea. Isa ang nasa Angeles, Pampanga at ang 7 ay nasa hotel pa sa Cebu.
“All of them did not develop any symptoms therefore we could safely assume that they are all healthy as of today but nevertheless all those that are within the region, 8 of them will continuously be monitored and continuously be on a quarantine until the 14th day.” ani DOH-7 Regional Director, Dr. Jaime Bernadas.” ani DOH-7 Regional Director, Dr. Jaime Bernadas.
Nilinaw naman ng DOH na ang contact tracing ay ginagawa lamang para sa mga nakasalamuha ng isang indibidwal na positibo sa COVID-19
Nguni’t ang mga Korean National na galing sa Daegu South Korea ay ikonokonsidera lang na Persons Under Monitoring (PUM)
“Kapag ikaw ay nag- test na all of these 26 south koreans when they came here did not have signs and symptoms but they have a history of travel coming from daegu so we consider them person under monitoring..” ani DOH Asec Maria Rosario Vergeire .
Samantala 10 sa labing 14 na repatriates mula sa japan na nagpakita ng sintomas ang negatibo na sa Coronavirus Disease 2019 o COVID-19 . 8 naman sa mga ito ang nakabalik na sa quarantine facility sa Capas, Tarlac Kahapon (March 02) dahil wala na rin silang sintomas
Habang ang 2 ay mananatili sa health facility hanggang sa mawalan na rin ng sintomas.
Hinihintay pa ang resulta ng 4 na repatriate upang malaman kung sila ba ay positibo o negatibo sa COVID-19
Bahagi ng protocol ng DOH na maari lamang makabalik sa NCC ang isang repatriate kahit negatibo na ito kapag hindi na ito nakakaranas ng kahit na anong sintomas
“Kapag ikaw ay nag- test na ng negative tapos asymptomatic ka na ibig sabihin iyong kadahilanan na dinala ka sa ating referral facility ay nawala na iyong symptoms mo. Sa ngayon, meron na tayong walo na asymptomatic out of those 10 na negative at sila ay set to be brought back to our new Clark City within the day” ani DOH Public Health Services Team, Asec Maria Rosario Vergeire .
(Aiko Miguel | UNTV News)
Tags: DOH, South Korea
