Japanese Emperor Akihito at Empress Michiko, makikipagpulong kay Pangulong Aquino sa Malacañang ngayong araw

by Radyo La Verdad | January 27, 2016 (Wednesday) | 1452

Japanese Emperor Akihito at Empress Michiko(REUTERS)

Nakatakdang makipagpulong sina Japanese Emperor at Empress Michiko kay Pangulong Aquino sa Rizal Hall ng Malacañang ngayong araw.

Bago ito, bibigyan muna ito ng welcome ceremony sa Malacañang alas diyes beinte ngayong umaga.

Pagkatapos nito ay magtutungo naman ito sa Rizal park para sa Wreath laying.

Mamayang gabi naman ay dadalo ito sa isang state dinner kasama ang Pangulo sa Malacañang.

Samantala, nakatakda itong makipagpulong bukas sa iba’t ibang grupo kabilang na ang ilang grupo ng Japanese sa bansa.

Sa Biyernes naman ay magtutungo ito sa Japanese Memorial Garden sa Caliraya at International Rice Research Institute sa Los Baños, Laguna.

Dumating ang dalawang head of state kahapon sa bansa.

Huling dumalaw ang dalawa noong 1962 noong crown prince at princess pa ang mga ito.

Sa January 30, araw ng sabado, nakatakda itong umalis pabalik ng Japan.

(Jerico Albano / UNTV Radio Reporter)