24 patay sa bomb attack ng ISIS sa Syria

by Radyo La Verdad | January 27, 2016 (Wednesday) | 2123

ISIS bomb attack on Syria(REUTERS)

Aabot sa dalawamput apat ang nasawi sa bomb attack ng Islamic State sa Syria.

Ayon sa gobernador ng Homs naganap ang unang pagsabog sa isang security check point.

Isang suicide bomber naman ang umatake matapos ang unang pagsabog.

Labing pito ang biktima ng mga pagsabog na dinala sa mga ospital at ang isa rito ay nasa kritikal na kondisyon.

Umabot na sa mahigit dalawang daang libong Syrians ang nasawi sa nagaganap na civil war sa bansa.