Malalaking kaso ng katiwalian laban sa matataas na opisyal ng gobyerno ang itinuturong dahilan kung bakit muling tumaas ang antas ng korapsyon sa bansa, batay sa pinakahuling corruption perception index ng Transparency International.
Ilan sa mga isyung ito ay ang mga kasong kinasasangkutan ni Vice President Jejomar Binay, pork barrel scam na nagdidiin sa ilang senador at ang kwestyonableng paggamit ng disbursement acceleration program.
Mula sa 85th rank ay umakyat ang Pilipinas sa 95th rank nitong 2015 mula sa kabuuang 168 na bansa sa corruption perceptions index ng anti-corruption watchdog na Transparency International.
Ayon sa ahensya, ito ay malaking batik sa imahe ng Administrasyong Aquino na ang pangunahing plataporma ay paglaban sa korapsyon at tuwidnadaan.
Sa datos ng Transparency International, malaki na sana ang improvement saginagawangpaglabansakatiwalian ng pamahalaan sa mga nakalipas na taon.
Noong 2012 ay nasa ika-105 ang posisyon ng Pilipinas.
Umangat ito sa 94th rank noong 2013 at naging 85th rank pa noong nakaraang taon.
Subalit kapansin pansin na sa loob lamang ng isang taon ay bumulusok ito at naungusan pa ng 10 bansa pagdating sa pagsugpo sa korapsyon.
Ayon naman sa Malacañang, patuloy ang pagsisikap ng administrasyon na bantayan ang mga nanunungkulan sa gobyerno at mapanatili ang katapatan sa kanilang mga trabaho.
Ang survey ay gumamit ng scale na 100 bilang very clean at 0 bilang highly corrupt, kung saan ang Pilpinas ay bumaba ng tatlong puntos sa 35 mula sa dating 38.
Ang Denmark ang lumabas na least corrupt habang ang North Korea at somalia naman ang nangunguna sa mga bansang laganap ang katiwalian sa gobyerno.
(Marje Navarro/UNTV News)
