Photo Courtesy: Reuters
Nasawi ang 17 katao makaraang mag-crash ang isang Russian-made Antonov-12 Cargo Plane sa bahagi ng Nile River sa Southern Sudan.
Ayon kay Sudanese Presidential Spokesman Ateny Wek Ateny, 19 ang kabuoang sakay ng nasabing eroplano.
Labing-pito dito ay mga Sudanese National habang apat sa mga ito Russian na pawang mga crew ng nasabing cargo plane.
Sa inisyal na report ng mga otoridad, ilang minuto pa lamang na nakapag-takeoff mula sa paliparan ang eroplano nang pamansin nilang huminto ang pagtakbo ng mga makina.
Kaagad na nagliyab ang eroplano nang ito’y bumagsak sa bahagi ng ilog.
Kabilang sa mga nakaligtas ay ang isang crew ng eroplano at isang bata na hindi naman kinilala ng mga otoridad.
