Itinanggi ng tagapagsalita ni Senator Grace Poe na may dalawang U.S. Social Security Numbers (SSN) ang senadora.
Ayon sa kaniyang kampo ito ay parte lamang ng ginagawang black propaganda laban kay Poe.
Iginiit ni Valenzuela Mayor Rex Gatchalian na ang mga paratang na ito ay walang basehan.
Ayon sa inilabas na ulat ng isang pahayagan, sinasabing ang senadora ay nagmamay-ari ng dalawang SSN. Ito ang SSN 538-25-2008 at SSN 005-03-1988.
Base sa datos, ang huling SSN ay inilabas sa pagitan ng taong 1934 hanggang 1951 bago pa man ipanganak ang senadora at ito umano ay pagmamay-ari ng isang patay na tao.
Pinabulaanan ito ni Gatchalian at sinabing ang tinutukoy umano na pangalawang SSN ng senadora ay ang Student Identification Number (005-003-1988) ng senadora na inilabas noong si Poe ay nag-aaral pa sa Boston College sa Chestnut Hill, Massachusetts.
(Meryll Lopez / UNTV Radio Correspondent)
