Umapela si Senador Grace Poe sa non-government organizations, media entities, supporters at publiko na bantayan ang mahalagang boto upang di na maulit ang dayaan noong 2004 elections.
Nagikot kahapon sa probinsya ng Samar si Senador Poe.
Pabor rin ang Senador sa panukalang magtatag ng Samar Island Region.
Ayon kay Poe, dapat kapareho ito sa pagkakatatag ng Negros Island Region sa pamamagitan ng Executive Order na nilagdaan noong May 2015 ni Pangulong Benigno Aquino III.
Nag-ikot naman sa buong Cavite kahapon si presidential candidate Mar Roxas.
Dito hindi naiwasang mabanggit ng dating kalihim ang isyung kinahaharap ngayon ni Vice President Jejomar Binay.
Ayon kay Roxas dapat maging maingat ang taong bayan at huwag sanang matulad ang bansa sa nangyari sa Makati.
Dumalo naman sa ibat-ibang forums sa Metro Manila si presidential candidate Mayor Rodrigo Duterte.
Tumayong guest speaker si Duterte sa joint manning group general assembly sa Maynila at gathering ng G-12 Philippines at 35th Annual Chest Convention of Philippine College of Chest Physicians sa Pasay
Ayon kay Duterte ang Comelec ang dapat gumawa ng paraan upang maalis ang isyu ng no-election senario sa Mayo.
Dumalo naman si UNA presidential candidate Vice President Jejomar Binay sa graduation ceremony ng Philippine National Police Academy sa Silang Cavite.
Walang naging campaign sorties si Senador Miriam Santiago kahapon.
(Bryan de Paz/UNTV NEWS)
Tags: Senador Grace Poe
Nasa top 5 ng pinaka-latest na Pulse Asia Survey ang limang kababaihang tatakbong senador sa 2019 senatorial elections.
Nangunguna sa survey si Senador Grace Poe na may voter preference na 70.1%, second to third si Senator Cynthia Villar na may 57.7%, 2nd to fourth place si Taguig City Representative Pia Cayetano na may 54.4%, third to fourth place si Senator Nancy Binay na may 50.6% at nasa fifth to sixth place si Davao City Mayor Sara Duterte-Carpio na may 39.5%.
Pasok rin sa pre-election survey sina Senator Juan Edgardo Angara, dating Senador Jinggoy Estrada, Ilocos Norte Governor Imee Marcos, Senator Aquilino Pimentel, former Senator Lito Lapid at Sergio Osmeña III.
Habang nasa 11th hanggang 17th place naman ang posisyon sina former Interior Secretary Manuel Roxas II, ang aktor na si Robin Padilla, ang brodkaster na si Ramon Tulfo, BuCor Chief Ronald Bato Dela Rosa at Senator JV Ejercito.
Kabilang rin sa survey ang iba pang opposition senatoriables na si Agot Isidro, dating Congressman Erin Tañada, Magdalo Representative Gary Alejano, ang singer na si Jim Paredes at iba pa.
Samantala, hindi pasok sa top 12 ang ilan sa mga posibleng senatoriable ng PDP Laban gaya nina SAP Bong Go, Presidential Political Adviser Francis Tolentino, Presidential Spokesperson Harry Roque, aktor na si Monsour Del Rosario at iba pa.
Samantala, ikinalungot naman ni Senator JV Ejercito ang resulta ng survey at sinabing apektado siya nang hindi paggamit ng apelyidong Estrada.
Aniya, nakaapekto ito dahil mas kilala ng mga tao ang apelyidong Estrada kaysa sa Ejercito.
Ikinatuwa naman ni Senator Nancy Binay ang resulta ng survey.
Nanawagan naman si Presidential Spokesperson Harry Roque na isaalang-alang ang qualifications ng mga tatakbo sa 2019 national elections.
Ang survey ay ginawa sa buong bansa sa halos dalawang libong mga registered voters na may edad labing walong taong gulang pataas.
( Mon Jocson / UNTV Correspondent )
Sa taong 2017, sa 752 mga bata na ligal nang maaaring kupkupin, 387 lamang ang nakumpleto ang ligal na proseso para sa kanilang adoptive families.
Ayon kay Social Welfare and Development Officer in Charge Undersecretary Emmanuel Leyco, mas marami pa sanang kabataan ang posibleng makupkop ng angkop na pamilya kung magiging mas madali ang proseso.
Sa kasalukuyan, bukod sa administrative phase, kinakailangan pang dumaan sa judicial phase kung saan may pagdinig pang ginagawa sa korte para sa petition for adoption.
Kaya upang mabawasan ang gastusin at mapabilis ang mga hakbang sa legal adoption ng isang bata, plano ni Senador Grace Poe na magsumite ng panukalang batas para rito.
Ibig sabihin, magkakaroon ng mas simpleng proseso ng pag-aampon sa pamamagitan ng isang administrative system.
( Rosalie Coz / UNTV Correspondent )
Tags: legal adoption, proseso, Senador Grace Poe
Kasama sa tinalakay sa En Banc Session ng Supreme Court kahapon ang mga motion for reconsideration sa kanilang desisyon noong Marso a otso na nagsasabing kwalipikadong tumakbo bilang pangulo ng bansa si Senador Grace Poe.
Nais kasi ng Commission on Elections at ng mga private respondent na baguhin ng korte ang kanilang desisyon sa disqualification cases ni Senador Poe.
Ilan sa puntong binigyang diin sa mosyon ay ang sinasabi ng ating Mataas na Hukuman na walang kapangyarihan ang Comelec na humatol sa kwalipikasyon ng isang kandidato sa pagka pangulo dahil ito ay nasa kamay ng Presidential Electoral Tribunal.
Iginigiit din ng mga nagpetisyon laban kay Poe na wala pang majority ruling sa isyu ng citizenship ng senadora dahil pitong mahistrado lamang ang nagsabi na siya ay natural born citizen.
Natagalan pa ang deliberasyon ng mga mahistrado ngunit ganito lamang ang naging anunsyo ng tagapagsalita ng mataas na hukuman.
“The decision will be announced on Saturday, 9 April 2016.” pahayag ni Supreme Court Atty Theodore Te
Bukod dyan ay wala nang ibang detalyeng ibinigay ang Korte Suprema.
Wala ring paliwanag kung bakit ilalabas ang desisyon sa araw ng Sabado at holiday pa dahil sa paggunita sa Araw ng Kagitingan.
Labing apat na mahistrado ang kasama sa deliberasyon at tanging si Justice Estela Perlas Bernabe lamang ang wala dahil naka leave ito.
Gayunman ito na ang magiging pinal na desisyon sa kaso dahil motion for reconsideration na ang reresolbahin dito.
Samantala, sa ibang balita ay hindi naman pinagbigyan ang hiling na magdaos ng oral arguments sa kaso ng K to 12 program.
Sa halip ay pinagsusumite lamang ng kani-kanilang memoranda ang magkabilang panig sa loob ng dalawampung araw.
(Roderic Mendoza/UNTV NEWS)
Tags: motion for reconsideration, Senador Grace Poe, Supreme Court
