Magiging mabilis na ang biyahe mula Pasig hanggang taguig dahil sa pagbubukas ng 2 bagong lane ng Laguna Lake Highway.

Ang bagong isang kilometrong kalsada ay nagsisimula sa Napindan hanggang Manuel L. Quezon sa Taguig City.

Ngunit sa ngayon ay tanging light vehicles lang muna ang maaaring dumaan sa mga bagong lane.

Ikinatuwa naman ng mga motorista ang mga bagong kalsadang ito na magbibigay ng ginhawa sa kanilang biyahe.

Ayon kay DPWH Secretary Mark Villar maliban sa Laguna Lake Highway Project sisimulan narin ng DPWH ang mga iba pang proyekto kabilang dito ang tatlong tulay na magdudugtong sa Maynila, Taguig at Marikina sa EDSA.

Sa susunod na taon ay tatapusin na rin ng DPWH ang Skyway extension.

(Jennica Cruz / UNTV Correspondent)

Tags: 2 bagong lane ng Laguna Lake Highway o C-6 dike road, bukas na sa mga motorista ngayong araw