Nakatakdang sampahan ng kaso ngayong araw ng Lipa City Police ang dalawang nurse nang Lipa City District Hospital na nagpabaya umano sa 3-day-old na sanggol na nasawi noong nakaraang linggo.
Mahaharap sa kasong reckless imprudence resulting in homicide ang dalawang nurse na kinilalang sina Nurse Supervisor Carmelita Tolentino 57 anyos at Arlene Bathan 31 anyos.
Ayon sa ama ni Baby Ronnel, walang breastmilk ang kanyang asawa mula nang manganak ito dahilan kung bakit walang tigil sa pag-iyak ang sanggol. Ngunit ng humingi siya ng tulong sa nabanggit na mga nurse ay hindi umano siya pinansin ng mga ito. Sa ngayon ay hinihintay pa ng pamilya Tenorio ang autopsy report.
Samantala, pinaghahanap pa rin ng mga otoridad ang dalawang nurse ng Lipa District.
