2 patay sa sunog sa Pasig city

by Radyo La Verdad | December 7, 2015 (Monday) | 1804

REYNANTE_SUNOG
Nasawi ang dalawang tao sa sunog na sumiklab sa isang residential area sa Dakila St. Brgy.Sumilang sa Pasig city bandang ala una kaninang madaling araw.

Kinilala ang mga biktima na sina Boy Santos at Lourdes Santos, mag-asawa, kapwa 68 anyos ang edad na natagpuang magkayakap pa sa sahig ng kanilang kuarto.

Sa inisyal na imbestigasyon ng Bureau of Fire Protection – Pasig umabot lamang sa unang alarma ang sunog at idineklarang fireout pagkatapos ng mahigit isang oras.

Tatlong bahay ang nadamay sa sunog.

Ayon naman sa kaanak ng mga nasawi natutulog sila nang biglang makarinig nang pagsabog at paggising nila ay kalat na ang apoy.

Dali-dali na silang lumabas ng kanilang bahay upang iligtas ang kanilang mga sarili pati ang kanilang mga anak.

Ngunit hindi nila napansin na hindi nakalabas ang mag asawa.

Hindi naman matanggap ng pamangkin nang mga biktima na si Jeffrie Baroa ang sinapit ng kanyang tiyohin ay tiyahin.

Sinisisi niya din ang kanyang pinsan na lango sa ipinagbabawal na gamot na nasa loob ng kuarto kung saan may nakasinding kandila.

Sa ngayon ay patuloy nang inaalam ng mga bfp ang pinagsimulan ng sunog at kung magkano ang kabuuang halaga ng ari-ariang natupok apoy.(Reynante Ponte/UNTV Radio Correspondent)

Tags: , ,