Tinupok ng apoy ang 2 storey residential house sa Pelaez Street Corner Altura Street Bacood, Sta.Mesa, Manila pasado alas tres kaninang madaling araw.

Rumesponde ang iba’t ibang operatiba ng bureau of fire protection at mga fire volunteer sa sunog na itinaas sa ikatlong alarma.

Ayon sa mga otoridad, nagsimula ang ang apoy sa gitnang bahagi ng ikalawang palapag ng bahay na pag-aari ni Boy Bautista.

Isang kotse naman na nasa harapan ng nasusunog na bahay ang binasag ang salamin sa kasagsagan ng sunog.

Wala namang nasaktan o nasawi sa insidente dahil agad na nakalabas sa nasusunog sa bahay.

Iniimbestigahan pa ng mga otoridad kung ano ang pinagmulan ng apoy.

Patuloy naman ang paalala ng BFP sa publiko sa sapat na pag-iingat laban sa sunog.

Tinatayang aabot sa tatlong daang libong piso ang kabuoang halaga ng naabong ari-arian at alas kwatro trese ng ideklarang fire out ng Manila Bureau of Fire Protection.

(Benedict Galazan / UNTV Correspondent)

Tags: 2 storey, nasunog, residential house, Sta.Mesa