Mag-aalas otso kahapon ng umaga nang bumagsak ang isang crane sa construction site sa HV Dela Costa Salcedo Village Makati City.
Dalawang tao ang nagtamo ng minor injury na kaagad na isinugod sa pinakamalapit na ospital at limang poste ng kuryente ang tinamaan ng bumagsak na crane.
Isa sa mga nasugatan ay ang taxi driver na mabuti na lamang, ay nakalabas kaagad ng kanyang sasakyan nang makitang babagsak sa kanyang ang poste.
Ang isa pang nasugatan ay isang nagbibisikleta na napadaan sa lugar.
Sinabi naman ng contractor na A.M. Oreta Construction Company na sasagutin nito ang gastos sa ospital ng mga nasugatan gayundin ang iba pang napinsala ng bumagsak na crane.
Humingi na rin ng paumanhin ang construction company at makikipag-ugnayan sa mga otoridad sa pag-iimbestiga sa dahilan ng insidente.
(Darlene Basingan/UNTV NEWS)
