Patay ang dalawang pulis habang sugatan ang isa pa matapos mag-amok ang kapwa pulis sa mismong presinto ng Sigay, Ilocos Sur.

Kinilala ang mga nasawi na sina non-uniform personnel Mark Jay Barrientos, at SPO2 Leborio Dangalen, habang maswerte naman nakaligtas sina SPO2 Gilbert Rabang at PO1 Leo Aoay.

Sa inisyal na imbestigasyon ng Ilocos Sur Police Provincial Office, kumakain ang mga biktima ng bigla na lamang silang pinagbabaril ng suspek na kinilalang si PO1 Rowel Paragas gamit ang service firearms nito.

Narecover naman ng scene of the crime operatives o soco mula sa crime scene ang (11) 9mm fired cartridge cases na ginamit ng suspek sa pamamaril.

Sa ngayon patuloy na iniimbestigahan ang insendente at ang motibo ng suspect sa pamamaril.

(Totot Fabros / UNTV Correspondent)

Tags: 2 patay habang 1 sugatan, isang pulis, police station, Sigay Ilocos Sur