METRO MANILA – Aabot sa $235-M o nasa P12.7-B ang nakuhang pamumuhunan ni Pangulong Ferdinand Marcos Junior mula sa Malaysian businessmen.
Bunga ito ng kaniyang ginawang pakikipagpulong sa mga negosyante sa Malaysia na bahagi ng kaniyang 3 araw na State Visit doon.
Ayon sa pangulo, nagpahayag ng interes na mamuhunan ang Malaysian business leaders sa food processing industry, multi- service digital platforms, aviation, logistics, manufacturing, infrastructure, water and waste water treatment sa Pilipinas.
Sa business forum na isinagawa sa Kuala Lumpur, inihayag ni Pangulong Marcos ang mga ginawang hakbang ng pamahalaan upang mapagaan at mapabilis ang pagnenegosyo sa bansa kabilang na ang paglikha ng green lanes.
Ibinida rin ng pangulo ang estado ng ekonomiya ng Pilipinas na nakapagtala ng 7.6% Gross Domestic Product (GDP) growth noong 2022.
Ayon pa kay PBBM, panahon na rin upang pumasok sa panibagong yugto ng relasyong pangkalakalan ang 2 bansa.
Ngayong gabi (July 28) inaasahan naman ang pagbalik sa bansa ni Pangulong Marcos mula sa kaniyang state visit sa Malaysia.
Tags: GDP, PBBM, state visit
METRO MANILA – Inaprubahan ni Pangulong Ferdinand Marcos Junior ang panukala ng Department of Social Welfare and Development (DSWD) na nagpapalawak sa saklaw ng Pantawid Pamilyang Pilipino Program (4Ps).
Nakasaad sa panukala, na kasama na sa cash grants ng 4Ps ang mga buntis at nagpapasusuong ina upang matiyak ang kalusugan ng kanilang mga anak sa unang isang lingong araw nito.
Inatasan ng pangulo ang DSWD at NEDA sa pagsasapinal ng numero at kinakailangang adjustment sa pamamahagi ng cash grants.
Ang nasabing adjustment ay magpapataas ng purchasing power ng mga benepisyaryo at makakapagbigay ng insentibo para mapabuti ang kanilang pagsunod sa mga kondisyon ng programa na makakaiwas sa malnutrisyon at stunting.
Tags: Cash Grant, DSWD, PBBM
METRO MANILA – Ganap nang batas ang “Kabalikat sa Pagtuturo Act”. Ito ay matapos lagdaan kahapon (June 3) ni Pangulong Ferdinand Marcos Junior ang naturang batas na layong doblehin ang tinatanggap na techning supplies allowance o chalk allowance ng mga guro.
Mula sa P5,000 ay itataas na ito sa P10,000 kada taon. Sisimulan ang pamamahagi ng dobleng teacher’s allowance sa School Year 2025-2026.
Matagal na ring idinadaing ng mga guro ang kakulangan ng supplies allowance na pambili ng chalk, erasers, forms at iba pang classroom supplies dahilan upang kuhanin na ang pampuno sa gastos sa mismong personal na pera ng mga guro.
Ayon kay Pangulong Marcos responsibilidad ng estado na tulungan ang mga guro na nagsasakripisyo.
Tags: PBBM, Teacher's Allowance
METRO MANILA – Binigyang-diin ni Pangulong Ferdinand Marcos Junior malapit sa aksyon ng giyera at red line nang maituturing kung masasawi ang 1 Pilipino dahil sa anomang insidente o aksyon ng China Coast Guard (CCG) sa West Philippine Sea (WPS).
Ito ang sagot ni pbbm nang tanungin sa isyu sa ginanap na 21st International Institute for Strategic Studies (IISS) Shangrila Dialogue sa Singapore nitong Biyernes (May 31).
Naniniwala ang pangulo na susuportahan ng treaty partners ang Pilipinas sa ganitong tumitinding sitwasyon sa WPS.
Iginiit din ng punong ehekutibo na gagawin ng Pilipinas ang lahat upang protektahan ang soberanya ng bansa kasabay ang commitment sa pagpapanatili ng kapayapaan at pagtugon sa mga isyu sa pamamagitan ng dayalogo at diplomasya.
