28 patay sa pag-atake ng Taliban sa Afghanistan

by Radyo La Verdad | April 20, 2016 (Wednesday) | 4997

Kabul, Afghanistan blast(REUTERS)

Mariing kinondena ng presidente ng Afghanistan ang pag-atake sa Kabul na ikinamatay ng dalawampu’t walo at ikinasugat ng mahigit tatlong daan.

Ayon sa Kabul Police ang mga biktima ay pawang sibilyan.

Sinabi naman Spokesman ng Ministry of Public Health, nasa tatlong daan at dalawampu’t pito ang sugatan na dinala sa ospital.

Isinagawa ng rebeldeng Taliban ang coordinated attack na kinabibilangan ng suicide bombing sa kabisera ng Afghanistan.

Pinasabog ng suicide bomber ang isang sasakyan na may kargang mga bomba bago pumasok ang mga gunmen sa compound ng government secret service unit.

Umabot pa umano sa dalawang oras ang sagupaan ng security forces at insurgents.