Metro Manila – 29 na Patients Under Investigation (PUI) ang nakalabas na ng ospital matapos mag-negatibo sa Coronavirus Disease ayon sa Department Of Health.
Kaya naman sa mahigit 600 PUI sa bansa bumaba na sa 98 ang kasalukuyang nasa opsital.
Samantala, sinabi naman ng pahayagang People’s Daily ng China na marami nang pasyenteng gumaling sa COVID-19 at na discharge na sa ospital ang muling nagpopositibo sa nakamamatay na virus.
Ayon pa sa ulat, mas mabagsik at mas nakamamatay umano ang Novel Coronavirus kapag nahawa nito sa ikalawang pagkakataon.
Pero ayon sa World Health Organization, wala pa silang nakikitang ebidensiya ukol dito.
“We have not yet seen evidence of reinfection and the severity of the reinfection. So, that is something that we are still working on.” ani WHO Country Representative Dr Rabindra Abeyasinghe.
Pinapayuhan din ng WHO ang mga gumaling na sa COVID- 19 na kailangan pa rin nilang ma-monitor sa loob ng 1 buwan upang makatiyak na nasa maayos silang kalusugan.
(Grace Casin | UNTV News)
Tags: Coronavirus Disease
METRO MANILA –
Tila balewala kay Pangulong Rodrigo Duterte ang mga kontrobersyang kinakaharap ni Health Secretary Francisco Duque III nitong mga nakalipas na araw.
Katunayan, pinagpaliwanag pa ng Pangulo ang kalihim sa kontrobersyal nitong pahayag na second wave of infection sa bansa.
Pinayuhan niya rin ang kalihim sa gitna ng mga panawagang magbitiw ito sa pwesto.
Nagpadala mismo ng request sa punong ehekutibo ang Private Hospitals Association of the Philippines or PHAP upang hilinging palitan sa pwesto si Sec. Francisco Duque III.
(Rosalie Coz | UNTY NEWS)
METRO MANILA – Sa pinabagong ulat ng Quezon City local government, umakyat na sa 2000 ang naitalang kaso ng coronavirus disease 2019 sa lungsod. Kung saan 841 sa mga ito ang active cases.
Muli namang nadagdagan ng tatlo ang bilang ng mga namatay sa lungsod dahil sa Covid-19, kaya’t kung susumahin ay mayroon nang 169 total deaths ang Quezon City.
Patuloy namang dumarami ang mga indibidwal na gumaling na sa sakit na ngayon ay umaabot na sa 624.
Sa ngayon ay nakipag-partner na rin ang QC local government sa isang pribadong kumpanya para mas mapalawak pa ang pagsasagawa ng rapid testing. Anila malaking tulong ito upang mas madaling matukoy at maihiwalay ang mga residenteng apektado ng Covid-19 upang agad na magamot.
Nauna nang nagpatupad ng special concern lockdown ang QC LGU sa mga piling lugar sa lungsod kung saan naitala patuloy na pagtaas ng kaso ng Covid-19.
Ang Quezon City ang lungsod sa Metro Manila na may pinakamaraming populasyon, at may pinakamataas na kasong naitala ng coronavirus disease.
(Joan Nano)
Tags: Coronavirus Disease, Covid-19, Quezon City
Nakarating sa Department of Health (DOH) ang mga ulat ukol sa problema sa kakulangan ng personal protective equipment (PPE) sa mga ospital.
Ayon kay Health Undersecretary Maria Rosario S. Vergeire, inaayos na ng kagawaran ang sistema ng pagtanggap ng mga donasyong PPE mula sa iba’t ibang bansa at institusyon.
Tiniyak din ni Usec. Vergeire na tutugunan ng DOH ang suliraning ito sa abot ng kanilang makakaya.
“Iaanunsyo ng DOH sa publiko kung paano makakahingi ang mga healthcare workers natin ng PPE’s, at kung paano ito makakarating sa kanila. Asahan po ninyo na hindi namin kayo pababayaan,” ani DOH Usec. Vergeire na siya ring tagapagsalita ng DOH.
Kabilang sa donasyon mula sa China ang 100,000 test kits, 100,000 surgical masks, 10,000 n95 masks, at 10,000 set ng PPE.
Umaasa si China Ambassador to the Philippines Ambassador Huang Xilian na makatutulong ang medical supplies na ito upang malagpasan at mapagwagian din ng Pilipinas ang laban kontra COVID-19.
Nagpasalamat si Foreign Affairs Sec. Teodoro Locsin Jr. sa tulong na ipinagkaloob ng China sa bansa.
“This is a tremendous help of China. It is a model for what the rest of the world should be doing. Instead of blaming each other for what’s happening, they should all start working together to help each other. And this is concrete proof,” ayon kay Sec. Locsin.
Tiniyak ng DOH na paiigtingin pa nila ang kanilang COVID-19 testing capacity kasabay ng pagtaas ng bilang ng mga nagpopositibo sa nakamamatay na sakit sa bansa.
Tags: Coronavirus Disease, Covid-19
