METRO MANILA – Sa kabila nang tuloy-tuloy na pagbabakuna sa ilang mga lugar gaya sa metro manila, may ilang mga rehiyon pa rin ang nanatiling mabagal ang vaccination rollout.
Ayon kay vaccine czar secretary carlito galvez jr. Ito ay dahil sa problema sa cold storage facility lalo na sa mga liblib na lugar.
Kabilang sa mga ito ang bangsamoro autonomous region of muslim mindanao, bicol region, western mindanao, mimaropa at socksargen.
“Unang-una nakita natin yung accesibility, yung BARMM karamihan sa kanila geographically isolated areas yung basilan, solo, at tawi-tawi mga island provinces ito and then yung limitation talaga ng cold chain facility… Tsaka kulang yung mga vaccinators.” ani Vaccine Czar Sec. Carlito Galvez Jr.
Nguni’t dahil target ng pamahalaan na mabakunahan ang 70% ng populasyon bago matapos ang taon.
Isang malawakang vaccination drive ang isasagawa sa katapusan ng Nobyembre.
Layon din nito na matulungan sa pagbabakuna ang mga probinsya na mabagal ang rollout kung saan limang milyong indibidwal ang inaasahang mababakunahan.
“Kaya nga natin gagawin yung vaccination day para makita natin, macapacitate natin yung mga lugar lalo na mai-reinforce natin yung mga lugar na mahihina ang kanilang vaccination at mabigyan natin ng support in terms of vaccinators. ito po ay pino-propose namin na magkaroon ng 3 day national vaccination day tayo. Ito ay magsisimula sa Nov. 29, 30 at Dec. 1 kasi tinataon natin na talagang yung National Heroes Day yung November 30 kasi parang minemessaging natin na ang lahat ng tao na magpabakuna ay isang bayani.” ani Vaccine Czar Sec. Carlito Galvez Jr.
Sa monitoring ng NTF mayroon pang nasa 47 million doses ng bakuna ang naka imbak sa mga storage facility kaya’t kinakailangan na magamit na ang mga ito.
Nauna nang ipinag-utos ni Pangulong Rodrigo Duterte na magamit na ang mga asset ng pamahalaan sa mabilis na pagdedeliver ng COVID-19 vaccines.
Nagkaroon na rin ng mandato ang DILG na makatulong ang PNP at BFP sa augmentation ng vaccinators.
Sa ngayon, target pa rin ng pamahalaan na maabot ang 1.5 million daily vaccination rate upang agad na maabot ang population protection.
Samantala, dumating naman kagabi sa bansa ang 2.8 milllion doses ng Sputnik V vaccine mula Russia.
(JP Nuñez | UNTV News)
Tags: COVID_19 Vaccination
METRO MANILA – Batay sa ulat ni Pangulong Rodrigo Duterte kagabi (September 27),umabot na sa 20.3 million na mga Pilipino ang fully vaccinated laban sa COVID-19 as of September 27.
26.33% pa lamang ito sa kabuuang populasyon ng bansa.
Ayon kay Pangulong Duterte, posibleng mapalawig na ang bakunahan sa susunod na buwan at masimula na ang pagbabakuna sa mga bata.
“According to Secretary Galvez we will get a total of at least 100 million doses by the end of October which means maybe we can expand the vaccination program to the general population and hopefully also our children within October” ani Pres. Rodrigo Duterte
Muli namang nagpaalala si Pangulong Duterte sa mga ayaw pa ring magpakuna kontra COVID-19. Nagbanta ang punong ehekutibo na maaaring gamitin ang police power ng estado para mapilit na magpabakuna ang isang tao.
“But under the police power of the state everybody can be compelled to be vaccinated not because we don’t believed in your theory or belief or religion but because you are a carrier and a danger to society” ani Pres. Rodrigo Duterte.
Nagbabala rin si Pangulong Duterte sa mga propesyonal na magingat sa kanilang sinasabi laban sa COVID-19 vaccines na maaaring makakumbinsi ng tao.
“if you are convincing in your arguments, people might listen to you and that could be a problem. Sana kung ganito na ayaw mo manahimik ka na lang” ani Pres. Rodrigo Duterte.
Ayon kay Pangulong Duterte posibleng umabot pa ng hanggang 3 taon bago bumalik sa dating normal na pamumuhay ang bansa.
“We would not be able to return on norm mga ano pa siguro 2 to 3 years pero mga tao nandiyan ang bakuna magpapabuka kaagad magminimize and we can achieve herd immunity which is a long shot but we can attain it with the help of people and God help us, we can have steady supply of vaccines” ani Pres. Rodrigo Duterte.
(Nel Maribojoc | UNTV News)
Tags: COVID_19 Vaccination
