Arestado ang tatlong Chinese National sa isang checkpoint sa Calamba, Laguna na suspek sa pagkidnap sa isang Malaysian National, Sabado ng gabi.
Ito’y matapos isumbong ng barangay officials sa brgy. Makiling ang kahina-hinalang sasakyan ng mga suspek na paikot-ikot umano sa kanilang barangay simula pa noong Biyernes.
Nang lapitan ng mga pulis ang sasakyan ng mga suspek bigla umano nilang nakita ang biktima na itinaas ang kamay na nakaposas, dahilan upang pababain ng kanilang sasakyan ang tatlong Tsinoy.
Kinilala ang mga suspek na sina Yu Guang Dong , Su Sheng Fu at Cheng Wen na pawang mga residente sa Makati City.
Habang ang biktima naman ay kinilalang si Jackie Ong na isang Finance Department Head ng DF Call Communications Inc. sa brgy. Bel air sa Makati.
May sugat sa biktima ang ulo at gasgas sa braso ng marescue. Ayon sa opisyal ng Calamba police Biternes ng makidnap ang biktima ng mga suspect sa Makati City.
Nahaharap sa kasong kidnapping at possesion of iligal fire arms ang mga suspect na nakaditene ngayon sa Calamba detention facilities
( Sherwin Culubong / UNTV Correspondent )
