METRO MANILA – Inaprubahan na ng Commission on Elections (Comelec) En Banc ang muling pagbubukas ng continuing voter registration sa susunod na buwan.
Magsisimula ito ng February 12 at magtatapos sa September 30, 2024.
Ayon kay Chairman Garcia, nasa 3 milyon ang kanilang tinitingnan na makapagrehistro bilang bagong botante para sa 2025 national and local elections.
Sa ngayon ay nasa mahigit 60 million ang rehistradong botante sa buong bansa.
Para maabot ito, gagawin na rin ng Comelec sa buong bansa ang register anywhere project na ginawa ang pilot test sa selected malls lamang sa Metro Manila at Visayas.
Sa pamamagitan nito, kahit taga saan pa ang isang aplikante ay maaaring magparehistro sa mga registration centers o site na itatalaga ng Comelec.
Pwede rito ang reactivation, bagong registration, lilipat ng lugar kung saan boboto at maging magpapabago ng civil status.
Pero, paalala ni Garcia, bawal o hindi na nila tatanggapin ang company ID bilang requirement para sa registration.
Dapat aniya ay valid government ID’s o government issued documents. Paliwanag ng Comelec, naaabuso ang paggamit ng company ID.
Paalala pa ng Comelec, mahalaga ang pagpaparehistro dahil kabilang sa ating karapatan sa ilalim ng ating saligang batas na makaboto kapag rehistrado.
Tags: COMELEC, voter registration
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
