Iniimbestigahan na ng Davao City health official ang insidente ng pagkakasakit ng ilang atleta na kalahok sa isinasagawang Davao Region Athletic Association (DAVRAA) sa lungsod.

Noong Sabado, 34 na atleta, 3 coach at isang kitchen staff ang dumaing ng pananakit ng tiyan at pagsusuka. Agad namang isinugod sa ospital ang mga ito.

Hinala ng city health officials, nabiktima ang mga ito ng food poisoning na posibleng sanhi umano ng panis na pagkain. 33 sa kanila ay agad namang nakalabas habang ang limang iba pa ay mino-monitor pa ang kalagayan sa ospital.

Siniguro naman ng mga otoridad na makakapaglaro pa rin ang mga naapektuhang atleta. Tiniyak din ng mga ito na hindi na mauulit ang insidente at mananagot ang mga may posibleng pananagutan.

( Janice Ingente / UNTV Correspondent )

Tags: Davao City, DAVRAA 2018, delegado