Ilang oras na lamang ay masasaksihan na natin ang biggest musical event ngayon sa bansa, ang Wish Music Awards. Tiyak na magiging kaabang-abang ang awards night ngayong taon kung saan muling matitipon ang malalaking pangalan sa music industry.
Muling ipagdiriwang ang galing ng talentong Pinoy sa ikatlong Wish Music Awards mamayang gabi na may temang “Taking Filipino music across the globe”.
Bukod sa mga mananalo sa bawat kategorya, inaabangan din ang performances ng mga de-kalibreng artist sa bansa.
Kabilang sa mga ito sina Jett Pangan, Arnel Pineda, Nina, Morissette, Kz Tandingan, Jay R, Kris Lawrence, Michael Pangilinan, Tj Monterde, Gloc-9, Abra, Inigo Pascual, Sassa, Sam Mangubat, Clara Benin, Keiko Necesario, Quest, Zsaris at Mela.
Mula pa noong isang linggo ay nagsimula nang mag-ensayo ang mga ito upang mahandugan ng exceptional performances ang music fans.
Kasama rin sa performers ang WISHful 20 ng online singing competition ng WISH FM, ang WISHcovery.
Samantala, sa taong ito, magkakaloob ng kabuuang 2.25 million pesos ang WISH FM sa mananalong artists at kanilang napiling benefeciaries.
Sa nakaraang dalawang taon ay nakapagkaloob na ng 2.75 million pesos cash prize ang Wish Music Awards.
Ang grand event ay isasagawa mamayang alas-siyete ng gabi sa Smart Araneta Coliseum.
( Leslie Longboen / UNTV Correspondent )
Wish come true para sa mga wishers ang isinagawang 2million times 2 celebration ng WISH 107-5 sa Centris Open Grounds noong Biyernes.
Bukod sa enjoyment sa free musical entertainment na handog ng OPM Artists at bands, inspirasyon din ang hatid ng istasyon sa pagsisimula ng granting ng two million pesos worth of wishes bilang pasasalamat sa kanilang two million youtube subscribers.
Tulad na lamang ni Sharmaine Villamater mula sa Mandaluyong na nabigyan ng wheelchair para sa kanyang 84-year old father-in-law na limang taon nang hindi nakakalakad.
Marami namang tao ang mapapasaya ng catering services package na hiling ni Mary Joy Galias para sa mga street children at ni Jericho Jerome Altares para sa kanyang mga inaalagaang pasyente sa National Center for Mental Health. Dahil dito, labis-labis ang pasasalamat ng wishers sa FM station with a heart.
Noong Biyernes, 22 wishes ang na-grant ng istasyon. Magpapatuloy pa ang wish granting sa loob ng dalawang buwan.
Samantala, nagpaabot din ng pagbati ang OPM Artists sa two million youtube subscriber-milestone ng istasyon.
Sa kasalukuyan ay mayroon na rin itong mahigit 850 million views sa loob lamang ng tatlong taon at kalahati mula nang ilunsad ang channel.
( Leslie Longboen / UNTV Correspondent )
Tags: OPM artists, Wish 107-5, wishes
Bukod sa mga mahuhusay na OPM Artists, wagi rin sa 3rd Wish Music Awards ang mga charitable institution na napili ng mga nominado.
Isa na rito ang “Save the Children-Philippines Organization”, ito ay isang independent children’s organization sa bansa na naitatag noong 1981 na tumutulong na maipagkaloob ang mga pangangailangan ng mga batang kapus-palad tulad ng edukasyon, maayos na kalusugan at iba pa.
Ito ang benepisyaryong napili ng Wish Music Awards winners na sina Moira dela Torre, KZ Tandingan, Michael Pangilinan at ng grupong Extrapolation.
Tinanggap na ng grupo ang P400,000 cash prize na personal na iniabot nina BMPI Chairman Kuya Daniel Razon at Vice President for Radio Bong Etorma.
Labis naman ang pasasalamat ng mga ito sa pagkakaroon ng award-giving body na tumutulong sa mga nangangailangan. Sa labing isang benepisyaryo, pinakamalaki ang natanggap ng Save the Children Organization.
Ang iba pang nagwaging charitable institutions ay ang Bukas-palad Foundation Inc., Cancervants Ph, Child Haus, Cribs Foundation Inc., Inspire Church Metro Manila, The Philippine Animal Welfare Society, Sto. Niño Home for the Aged, Meritxell Children’s World Foundation, Teach for the Philippines at Visayan Forum Foundation Inc.
Sa taong ito, ang Wish Music Awards ay nagkaloob ng 2.1 million pesos para sa mga nanalong artists at kanilang beneficiaries.
Mula noong unang Wish Music Awards, kabuuang 4.875 million pesos na ang naibigay ng WISH 107.5.
( Leslie Longboen / UNTV Correspondent )
Tags: 3rd Wish Music Awards, BMPI, OPM artists
Gateway to the world kung tagurian ang WISH 107-5. Sa pamamagitan ng mga inobasyon ng WISH FM ay kinilala at hinangaan ng ibang lahi ang talentong Pinoy.
Ang WISHclusive videos ng OPM Artists sa loob ng pambansang WISH Bus ay patuloy na nakakakuha ng worldwide attention sa pamamagitan ng WISH youtube channel.
Sa kasalukuyan ay mayroon na itong halos 2 million subscribers at mahigit 800 million views. At sa layong mas maipakilala ang husay ng mga Pilipino, dadalhin mismo ng WISH FM ang OPM Artists sa ibang bansa.
Sa pamamagitan ng pamosong fm station on wheels, ang WISH Bus. Namangha naman ang OPM Artists sa ideyang ito ni Kuya Daniel Razon.
Ang konsepto ng first fm booth on wheels at state-of-the-art WISH Bus ay hindi lamang hinangaan sa Pilipinas kundi maging ng international artists na nakapag-perform na rito.
( Leslie Longboen / UNTV Correspondent )
Tags: Hollywood, OPM artists, WISH bus
