Tuloy-tuloy pa rin ang pagbuhos ng malakas na ulan dito sa lalawigan ng Bulacan.
Kaninang tanghali ay kinansela ng Municipal Goverment ng Sta Maria, Marilao, Hagunoy at sa syudad ng Meycauyan Bulacan ang klase sa mga paaralan sa lahat ng antas, pribado at pampubliko ito ay dahil sa naranasang baha dulot ng malakas na buhos ng ulan at hightide
Sa barangay tabing ilog Marilao, hanggang dibdib na ang tubig baha, maging ang palengke binaha rin.
Ayon sa mga residente nahirapan silang lumusong sa tubig baha, at malaking abala sa kanilang hanap buhay.
Nag-uumpisa na ring tumaas ang tubig sa Mc Arthur Highway sa Barangay Hiyas Marilao at Barangay Bangcal sa Meycauyan Bulacan, subalit pwede pa rin itong madaanan ng lahat ng uri sasakyan.
Nagdulot naman ng pagbigat sa daloy ng trapiko ang pagbaha sa mga nabanggit na lugar.
Nagkaroon na rin ng forced evacution sa Pinaklayan Villa Iligan sa Barangay Muzon Towervill 6 at sa Barangay San Manuel, San Jose del Monte Bulacan kanina dahil sa pagtaas ng tubig sa ilog sa tabi nito.
Samantala, tuloy pa rin naman ang pasok ng mga empleyado ng ibat-ibang sangay ng sangay ng gobyerno buong Bulacan.
Tags: Hagunoy, Marilao, Meycauyan Bulacan, Sta Maria
Umakyat sa general alarm ang sunog sa isang warehouse ng plastic sa Barangay Moralla Street Barangay Libtong Meycauayan City Bulacan pasado alas siyete kagabi.
Sugatan ang accounting supervisor ng kumpanya na nagmamay-ari ng warehouse matapos bumalik sa loob ng nasusunog na gusali upang balikan ang ilang mahahalagang dokumento.
Kinilala ang biktima na si Sherly Manalad 59 years old, residente ng Barangay Pag-ibig sa Nayon Quezon City.
Agad naman itong itinakbo sa Mary Mount Hospital, nagtamo ito ng second degree burn, at 90% naman ng katawan nito ang nasunog.
Nakaligtas ang mahigit dalawang daang empleyado matapos makalabas agad sa nasusunog na warehouse.
Dahil sa lakas ng apoy at kapal ng usok, nahihirapan ang mga bumbero na pasukin ang loob ng warehouse upang apulahin ang apoy.
Nasa anim na pung firetruck ang nagtulong tulong upang mabilis na maapula sunog.
Naideklara ng fire under control ang Bulacan Bureau of Fire Protection bandang alas dyis ng gabi.
Ayon kay Bulacan BFP Fire Superintendent Artemio Llena, sa ngayon hindi pa nila matukoy ang pinagmulan ng sunog.
Pag- aari ni Wilson at Lety Tan ang nasunog na warehouse, na naglalaman ng finish plastic products kabilang gaya ng iba’t ibang uri ng cabinet at higaan.
Patuloy namang iniimbestigahan ng mga otoridad ang sanhi ng sunog.
(Nestor Torres / UNTV Correspondent)
