49 na indibidwal ang sinampahan ng reklamo ng Philippine Drug Enforcement Agency (PDEA) kaugnay ng bilyong pisong halaga ng shabu na itinago sa magnetic lifters na nakumpiska sa Manila International Container Port (MICP) at GMA Cavite.
Nahaharap ang mga ito sa mga kasong importation of illegal drugs, conspiracy at paglabag sa regulasyon ng Dangerous Drugs Board sa ilalim ng Republic Act 9165 o ang Comprehensive Dangerous Drugs Act of 2002; obstruction of justice, dereliction of duty at graft.
Pangunahing respondent sa mga reklamo sina former Police Senior Supt. Eduardo Acierto, former PDEA Director Dir. Gen. for Administration Ismael Fajardo, former Customs Intelligence Agent Jimmy Guban, Police Inspector Lito Pirote at Joseph Dimayuga dahil sa umano’y sabwatan at pagpapabaya upang makalusot ang naturang shipment.
Ayon sa PDEA, isinama nila sa mga pinakakaushan si Guban kahit pa inirekomenda ng Senate Blue Ribbon Committee na isailalim ito sa Witness Protection Program (WPP) ng Department of Justice (DOJ).
Hindi naman kasama sa mga inireklamo si dating Customs Commissioner Isidro Lapeña.
Ayon sa PDEA, hindi nakakita ng sapat na ebidensya ang kanilang legal team na direktang magdadawit dito.
( Mai Bermudez / UNTV Correspondent )
METRO MANILA – Itinanggi ng Philippine Drug Enforcement Agency (PDEA) na nasa kanilang drug watchlist si Pangulong. Ferdinand Marcos Jr.
Kasunod ito ng talumpati ni dating Pangulong Rodrigo Duterte na umano’y nakita nya noon sa listahan drug personalities ng PDEA si PBBM.
Ayon kay PDEA Spokesperson Derick Carreon, hindi kailanman napasama ang pangulo sa kanilang drug watchlist.
Dagdag pa nito, simula noong i-activate ang kanilang National Drug Information System noong July 30, 2002 ay hindi lumutang ang pangalan ni Pang. Marcos Jr.
Sinabi pa nito na maging noong panahon ng administrasyong Duterte ay wala din umano ito sa tinatawag nilang Inter-Agency Drug Information database.
Tiniyak naman ng PDEA na kahit na nasa ilalim sila ng Office of the President, ipatutupad nila ang rule of law.
Tags: drug watchlist, PBBM, pdea
METRO MANILA – Nagpaalala ang Bureau of Customs (BOC) sa mga Pilipino sa ibang bansa na piliing mabuti ang freight forwarding firms sa pagpapadala ng balikbayan box sa kanilang pamilya sa bansa.
Sa social media post, sinabi ng BOC na dapat piliin ng mga customer ang mga reputable forwarding company na accredited ng Department of Trade and Industry (DTI) para matiyak ang kaligtasan ng kanilang mga balikbayan box.
Ito ay matapos ang mga report na natanggap ng ahensya tungkol sa mga kaso ng abandonadong balikbayan boxes.
Sa kabuoan, nasa 15 na ang foreign at local forwarders o consolidators ang may mga kaso ng abandoned balikbayan boxes.
Ito ay ang kabayan Island Express Cargo, GM Multi Services Cargo, Allwin Cargo LLC, Sel Air Cargo, Manila Cargo, Sky Freight, Mediacom Express Cargo, CMS General Services, Pinoy Network Cargo WLL FZC LLC.
Habang ang mga local forwarders o deconsolidators na may kaso ng inabandonang padala ay ang FBV Forwarders and Logistics Inc.,, Etmar International Logistics, Cargoflex Haulers Corp., KC door to door delivery services, Rensworld Freight Logistics Corp., FGTI Forwarding Services, CMG International Movers.
Hinimok din ng BOC ang publiko na makipagugnayan sa ahensya kung may alalahanin o may karagdagang impormasyon sa kanila, sa pamamagitan ng Bureau of Customs – Customer Assistance and Response Service o BOC-Cares sa pamamagitan ng hotline number (02) 8705-6000 o sa pamamagitan ng email sa boc.cares@customs .gov.ph.
Tags: balikbayan boxes, BOC
METRO MANILA – Nagbabala ang Bureau of Customs (BOC) ang publiko laban sa parcel o love scam ngayong holiday season.
Pinapayuhan ng ahensya ang publiko na maging maingat sa mga tawag, mensahe o email na nagsasabing mayroong package o parcel na nakabinbin sa BOC na nanghihingi ng bayad para ito ay mailabas.
Dagdag ng ahensya, ang pagbabayad ng customs duties at taxes ay maaari lamang gawin sa BOC cashier o sa pamamagitan ng authorized agent banks.
Kung sakaling naging biktima ng scam, i-check sa website kung ang nasabing courier o forwarder ay accredited.
Maaari ding makipagugnayan sa BOC upang ma-verify kung ang resibo, tracking number at ibang dokumento na natanggap ay tunay o fake.
Tags: BOC
