Limang umano’y illegal voters ang inireklamo ng tumatakbong kapitan sa Barangay 194 sa Pasay City.
Ayon kay Engr. Felicismo Arnesto, hindi residente sa kanilang barangay ang limang botante na kinilalang sina Christian Reyes, Alvin Verangel, Marvin Encabo, Mark Angelo Sevilla at Annie Pagangpang.
Hinala ni Arnesto na dating kapitan ng barangay, pakana ito ng kanyang kalaban.
Aminado ang isa sa mga inireklamo na hindi siya residente ng Barangay 194 sa Pasay City. Sa Sucat, Parañaque umano siya kasalukuyang naninirahan pero dati siyang nakapag rehistro sa barangay. Peke din aniya ang mga ID na ibinigay lamang sa kanila kaninang umaga.
Pero ayon kay Barangay Chairman Lydia Abrera, gawa-gawa lang ang reklamo dahil nais ni Arnesto na makabalik sa pwesto.
Ayon sa election officer na si Atty. Ramil Comendador, pumasa sa requirement ang mga inirereklamong botante kaya sila nakapag rehistro noong 2016.
Apat sa inireklamong botante ang tagumpay namang nakaboto sa kani-kanilang presinto.
Pero desidido pa rin umano ang kampo ni Arnesto na magsampa ng pormal na reklamo.
( Roderic Mendoza / UNTV Correspondent )
Tags: COMELEC, illegal voters, Pasay city
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
