Umabot na sa 717 ang naitalang nasawi habang 805 naman ang sugatan sa nangyaring stampede sa Street 204 sa Camp City ng Mina malapit sa Mecca sa Saudi Arabia.

Ayon sa ulat ng Saudi Defense Ministry, ilang araw nang nagtitipon ang mga tao sa lugar kaugnay sa pagdiriwang ng tradisyunal na Eid Al-Adha na karaniwang sinasabayan ng pagdagsa ng mga muslim mula sa ibat-ibang panig ng mundo.

Papuntang Mira at Jamarat ang mga pilgrims nang bigla na lamang magkaroon ng stampede na siyang dahilan kung bakit naipit at natapakan ang mga biktima.

Ayon sa Saudi Civil Defense, dalawang medical center ang itinayo sa Mina kung saan higit 4,000 emergency workers ang ipinadala doon.

Dinala ang mga sugatan ng 220 ambulansya sa apat na ospital sa naturang lugar.

Inaalam na rin ngayon ng Department of Foreign Affairs kung may Pilipinong nadamay sa aksidente.

Tags: Saudi Defense Ministry