270 libong kilo ng smuggled na Thailand produced refined sugar ang nasabat ng Bureau of Customs sa Manila International Container Port.

Nitong Mayo dumating sa bansa ang sako- sakong asukal na nakalagay sa 8 container van.

Sa isinagawang spot checking natuklasan ang walong container ng asukal.

Nagkakahalaga ng P13 milyong ang shipment na nakapangalan sa Real Top Enterprises.

Idineklarang mga school bag, school supplies, laruan at iba pa ang shipment.

Ayon kay Customs Enforcement and Security Service District Commander Jesus Francisco Guttierrez, bukod sa misdeclared, isinilid sa 40 foot container van ang kargamento na hindi normal na ginagawa sa shipment ng asukal.

Mula Thailand idinaan pa muna sa Hongkong ang shipment bago ipasok ng Pilipinas.

Tags: Bureau of Customs, Jesus Francisco Guttierrez, Manila International Container Port