8 indibidwal, sugatan sa nangyaring pagsabog sa Datu Piang, Maguindanao

by Erika Endraca | September 20, 2021 (Monday) | 584

Sugatan ang 8 indibidwal sa nangyaring pagsabog habang naglalaro ng volleyball sa Datu Piang Town Center, Maguindanao nitong Sabado (September 18).

Agad na isinugod sa Abpi-Samama Clinic and Hospital ang mga biktima upang malapatan ng lunas.

Ayon kay Datu Piang Mayor Victor Samama, nangyari ang insidente dakong alas-3 ng hapon.

Samantala, iniutos ni Philippine National Police (PNP) Chief Police Gen. Guillermo Eleazar sa Police Regional Office Bangsamoro Autonomous Region (PRO BAR) na magsagawa ng masusing imbestigasyon upang matukoy ang suspek sa nangyaring pagpapasabog.

(Kyle Nowel Ballad | La Verdad Correspondent)

Tags: , ,