Huli ang magtyuhin na hinhinalang tulak ng ipinagbabawal na droga sa Barangay Pinyahan, Quezon City. Kinilala ang mga suspek na sina George Cagioa alyas Tatang, limampu’t siyam na taong gulang at Irish Michaela Padilla alyas Negra, trenta anyos na residente ng Barangay Pinyahan.
Dalawang linggong isinailalim sa surveillance ng Quezon City Police District ang mga suspek bago isinagawa ang buy bust operation kaninang madaling araw. Narekober sa mga ito ang sampung small heat sachet ng hinihinalang shabu at tatlong piraso ng hundred peso bill na ginamit na buy bust money at isang cellphone.
Kasama din sa nahuli ang buyer ng iligal na droga na si Romeo De Ocampo. Todo tanggi naman ang mga suspek na sa kanila ang mga narekober na iligal na droga
Ayon kay Kagawad Anthony Prodigalidad, sakit ng ulo ang iligal na droga sa kanilang barangay pero handa naman silang makipagtulungan sa mga otoridad upang masugpo ito.
Samantala, isa pang drug pusher ang nahuli sa isinagawang anti-crimanility law enforcement operation sa Barangay Pasong Tamo sa Quezon City pa rin.
Tatlong beses nang nakulong si Efren Pipen Ramo sa kasong robbery hold up.
Ayon sa suspek, pinasok niya ang pagbebenta ng droga nang masira ang kanyang pinapasadang tricycle upang matustusan ang mga pangangailangan.
Lima rin ang arestado sa isa pang buy bust operation ng PNP sa Barangay Greater, Lagro Mindanao Extension District 5, Quezon City.
Target ng pulisya ang isang hinihinalang drug pusher na nag-ooperate sa lugar.
Narekober sa operasyon ang isang SUV, motorsiklo , buy bust money , limang sachet ng hinihinalnag ilegal na droga at tatlong cellphone.
( Gerry Galicia / UNTV Correspondent )
Tags: buy bust operation, PNP, Quezon City
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Nagbabala ang Bureau of Immigration (BI) sa mga dayuhan laban sa paggawa ng bomb jokes dahil maaaring ma-deny ang kanilang pagpasok sa bansa, o kaya naman ay ma-deport.
Ayon kay BI Commissioner Norman Tansingco, hinihikayat ng ahensya ang mga foreigner na iwasan gumawa ng anomang pahayag o biro na maaaring ituring na banta sa seguridad.
Inilabas ng ahensya ang pahayag matapos na maantala ng 5 oras ang Japan-bound flight ng Philippine airlines PR412 matapos na makatanggap ng bomb threat call ang airport authority mula sa hindi nagpakilalang babae.
Tags: BI, Bomb Jokes, PNP
METRO MANILA – Ipinagbabawal na ng Philippine National Police (PNP) ang pagkakaroon ng tattoo sa lahat ng uniformed at non-uniformed personnel nito.
Ayon kay PNP Public Information Office Chief PCol. Jean Fajardo, mayroong polisiya ang PNP na nagbabawal sa paglalagay ng tattoo sa katawan lalo na yung nakalabas sa uniporme.
Hindi naman tatanggapin ng PNP ang mga aplikante na mayroong tattoo kahit na nakatago ito sa katawan.
Binalaan naman ng pulisya ang mga hindi susunod sa polisiya na burahin ang mga visibile na tattoo sa katawan na isasailalim sila sa imbestigasyon.
