Nanindigan si Atty. Lani Villarino na hindi tahasang isinangkot ni Kerwin Espinosa si Albuera, Leyte Police Chief Jovie Espinido sa operasyon ng iligal droga.

Sinabi ng abugado na ang tanging nabanggit lamang ni Espinosa sa Senate hearing noong isang linggo ay ang pagpapakilala ni espinido kay Ronnie Dayan.

Gayunman, may hiwalay aniya silang reklamo laban kay Espinido na walang kinalaman sa iligal na droga ngunit tumanggi muna siyang idetalye ito sa ngayon.

Samantala, kinumpirma din ni Atty. Villarino na pinaghahandaan na rin nila ang paglilipat kay Kerwin sa Witness Protection Program na inaasahan nilang maaaprubahan sa lalong madaling panahon.

(Lea Ylagan / UNTV Correspondent)

Tags: Abogado ni Kerwin Espinosa, Albuera Police Chief Jovie Espinido, iginiit na walang binawing pahayag ang kanyang kliyente