Ipinaliwanag ni PNP Chief PDG Ronald Dela Rosa sa mga tauhan ng binuwag na Anti-Illegal Drugs Group na kailangan nang gumawa ng drastic action para tuluyang malinis ang kanilang hanay.

Hindi naman nakalimutang pasalamatan at purihin ng heneral ang mga tauhan ng AIDG na aniya alam nyang maayos magtrabaho at nadamay lamang sa katiwalian nang ilang kasamahan.

Sapat naman ang mga salita ni Chief PNP upang maibsan ang agam-agam at lungkot nang mga opisyal at tauhan ng AIDG.

Tiniyak naman ni dating AIDG Dir. Col. Albert Ferro kay PNP Chief na hindi niya pababayaan ang kanyang mga dating tauhan kahit na malilipat na siya bilang Deputy Director ng PNP Firearms and Explosive Office.

(Lea Ylagan / UNTV Correspondent)

Tags: Accomplishments ng binuwag na PNP-AIDG, kinilala ni CPNP PDG Ronald “Bato” Dela Rosa