Nanindigan ang Armed Forces of the Philippines at ang Philippine National Police na isang law enforcement operation ang naganap sa Makilala, North Cotabato na ikinasawi ng isang miyembro ng New People’s Army.
Taliwas ito sa alegasyon na nilusob umano ng pwersa ng pamahalaan ang isa sa kampo ng mga rebelde na paglabag sa idineklarang unilateral ceasefire ng pamahalaan.
Ayon sa pulisya at militar, nirespondehan lamang nila ang ulat na may nagpaputok ng baril at nang aagaw ng susi ng truck ng isang kumpanya noong January 20 ngunit nauwi sa engkwentro ang paghahabol nila sa mga salarin.
Patay sa palitan ng putok si Rojit Ranara na napag-alamang miyembro ng NPA batay sa mga dokumentong nakuha sa kaniya at sa salaysay ng mismong kapatid nito.
Narekober din ang mga otoridad sa area ang 3 high powered firearms, 3 improvised explosive device, 15 backpacks, iba’t ibang dokumento at mga extortion letters na pirmado ng isang Ricardo Ferniza, tagapagsalita ng guerilla 51 ng Davao del Sur – North Cotabato Operation Command ng NPA.
Nanindigan naman ang sandatahang lakas na hindi sila lumabag sa unilateral ceasefire na idineklara ng pamahalaan kaugnay ng nagpapatuloy sa usapang pangkapayapaan sa komunistang grupo.
Samantala mariin ding itinanggi ng militar na walo sa kanilang mga kasamahan ang nasawi sa bakbakan at sinabing posibleng palabas lamang ito ng mga rebelde upang palakasin ang loob ng kanilang mga kasamahan.
Patuloy namang pinaghahanap ng mga otoridad sa 3 pang kasamahan ng napatay na rebelde na nangharass sa truck driver.
(Victor Cosare / UNTV Correspondent)
Tags: AFP, nanindigan na hindi sinalakay ang kampo ng NPA sa North Cotabato, PNP
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Nagbabala ang Bureau of Immigration (BI) sa mga dayuhan laban sa paggawa ng bomb jokes dahil maaaring ma-deny ang kanilang pagpasok sa bansa, o kaya naman ay ma-deport.
Ayon kay BI Commissioner Norman Tansingco, hinihikayat ng ahensya ang mga foreigner na iwasan gumawa ng anomang pahayag o biro na maaaring ituring na banta sa seguridad.
Inilabas ng ahensya ang pahayag matapos na maantala ng 5 oras ang Japan-bound flight ng Philippine airlines PR412 matapos na makatanggap ng bomb threat call ang airport authority mula sa hindi nagpakilalang babae.
Tags: BI, Bomb Jokes, PNP
METRO MANILA – Ipinagbabawal na ng Philippine National Police (PNP) ang pagkakaroon ng tattoo sa lahat ng uniformed at non-uniformed personnel nito.
Ayon kay PNP Public Information Office Chief PCol. Jean Fajardo, mayroong polisiya ang PNP na nagbabawal sa paglalagay ng tattoo sa katawan lalo na yung nakalabas sa uniporme.
Hindi naman tatanggapin ng PNP ang mga aplikante na mayroong tattoo kahit na nakatago ito sa katawan.
Binalaan naman ng pulisya ang mga hindi susunod sa polisiya na burahin ang mga visibile na tattoo sa katawan na isasailalim sila sa imbestigasyon.
