AFP at PNP tiniyak na walang tangkang kudeta laban sa Duterte administration

by Erika Endraca | July 4, 2019 (Thursday) | 20172

MANILA, Philippines – Muling nagbigay ng garantiya ang Armed Forces of the Philippines (AFP) na mananatiling tapat ang mga tauhan ng militar sa bandila, saligang batas at sambayanang pilipino.

Kaya walang mangyayaring kudeta o pagpapabagsak kay Pangulong Rodrigo Duterte. Ayon kay Afp Spokesperson Edgard Arevalo, itinuturing lamang nitong random statement ang binitiwang pahayag ng pangulo sa pagdiriwang ng ika-172 anibersaryo ng Philippine Airforce sa Pasay City.

Nakiusap ang punong ehekutibo sa militar at pulisya na huwag magkudeta sa ilalim ng kaniyang termino. Muling nabuksan ng pangulo ang isyu dahil sa matinding suliranin aniya ng katiwalian sa gobyerno.

“Because I know that the armed forces and the police will have to decide one day somehow. Do not do it please during my term. I told you before all you have to do kung ayaw ninyo ako, do not bring your weapons and mechanized armors there. Just call me and we’ll have coffee and i am ready to say, it’s yours for the taking.” Ani Pangulong rodrigo Duterte.

Dagdag pa ni Arevalo, natanggap ng mga sundalo ang higit sa ina-asahan mula sa pangulo at Commander-In-Chief na mga repormang ipinatupad sa afp kabilang na ang modernization program, mas mataas na sahod, allowances, at benefits tulad ng mga pabahay.

Samantala, patuloy namang nangangako si Pangulong Duterte sa militar na titiyakin niyang maipagkakaloob sa ilalim ng kaniyang administrasyon ang horizon 2 modernization program ng afp.

“And during my time, i have never said “no” to any of the commanders and to delfin lorenzana at kay secretary esperon. All the things that they wanted for our armed forces pati ang pulis.Gusto ko lang kumpletuhin ‘yan baka ang susunod sa akin would not be a fellow of like-minded. Kanya-kanya ang tao eh. He might have other priorities.”ani Pangulong Rodrigo Duterte.

Samantala kinilala rin ng punong ehekutibo ang ginagawang pagbabantay ng militar upang mapangalagaan ang ating teritoryo sa West Philippine Sea, Philippine Rise at malampaya gas plant sa Palawan.

Sa isang panayam sinabi naman ni Pnp Chief Oscar Albayalde na walang plano ang pambansang pulisya na mag aklas at alisin sa pwesto ang pangulo.

(Rosalie Coz | Untv News)

Tags: , , ,

Bilang ng krimen sa Davao City, bumaba ngayong 2024

by Radyo La Verdad | June 18, 2024 (Tuesday) | 226

METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.

Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.

Nangunguna parin dito ang mga kaso ng pagnanakaw, pagpatay at rape.

Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.

Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.

Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.

Patunay lamang ito na nanatili paring isa sa safest city sa Asia ang Davao City.

Tags: , ,

BI nagbabala sa mga foreigner vs bomb jokes

by Radyo La Verdad | May 3, 2024 (Friday) | 12962

METRO MANILA – Nagbabala ang Bureau of Immigration (BI) sa mga dayuhan laban sa paggawa ng bomb jokes dahil maaaring ma-deny ang kanilang pagpasok sa bansa, o kaya naman ay ma-deport.

Ayon kay BI Commissioner Norman Tansingco, hinihikayat ng ahensya ang mga foreigner na iwasan gumawa ng anomang pahayag o biro na maaaring ituring na banta sa seguridad.

Inilabas ng ahensya ang pahayag matapos na maantala ng 5 oras ang Japan-bound flight ng Philippine airlines PR412 matapos na makatanggap ng bomb threat call ang airport authority mula sa hindi nagpakilalang babae.

Tags: , ,

Pagkakaroon ng tattoo, ipinagbabawal na ng PNP sa personnel at applicants

by Radyo La Verdad | April 23, 2024 (Tuesday) | 15791

METRO MANILA – Ipinagbabawal na ng Philippine National Police (PNP) ang pagkakaroon ng tattoo sa lahat ng uniformed at non-uniformed  personnel nito.

Ayon kay PNP Public Information Office Chief PCol. Jean Fajardo, mayroong polisiya ang PNP na nagbabawal sa paglalagay ng tattoo sa katawan lalo na yung nakalabas sa uniporme.

Hindi naman tatanggapin ng PNP ang mga aplikante na mayroong tattoo kahit na nakatago ito sa katawan.

Binalaan naman ng pulisya ang mga hindi susunod sa polisiya na burahin ang mga  visibile na tattoo sa katawan na isasailalim sila sa imbestigasyon.

Tags: ,

More News