AFP, kinumpirmang may mga foreign terrorist na napatay sa engkwentro sa Marawi

by Radyo La Verdad | May 26, 2017 (Friday) | 1255

Anim na foreign terrorist na ang napatay ng armed forces sa kasagsagan ng engkwentrong nangyayari ngayon sa Marawi City.

Ayon kay AFP Spokesperson Brigadier General Restituto Padilla ng mga ito ay pawang Malaysian, Indonesian at Singaporean.

Ang mga ito umano ay gumagawa at nagtuturo sa paggawa ng mga bomba at matagal nang pinaghahanap ng mga otoridad.

Samantala 31 miyembro ng Maute Group na kumpirmadong nasawi sa bakbakan at 11 armas ang narecover ng AFP, 5 dito at matataas na kalibre ng armas.

11 naman ang nalagas sa sandatahang lakas at dalawa sa hanay ng Philippine National Police.

Habang 39 naman ang bilang ng mga sugatan sa pwersa ng militar.

Tiniyak ng AFP na ginagawa nila ang lahat para hindi madamay ang mga sibilyan kahit kapalit nito ay ang buhay ng ilan sa anilang mga kasamahan.

(Grace Casin)