AFP, makikipagtulungan sa LGU at Lumad tribal leaders upang resolbahin ang mga karahasan sa mga Manobo sa CARAGA

by Radyo La Verdad | September 18, 2015 (Friday) | 2480

AFP-Spokesperson-Brigadier-General-Joselito-Kakilala-Jr.
Muling iginiit ng AFP na wala silang kontrol sa mga armadong grupo na mga lumad at hindi sila bahagi ng Citizen Armed Force Geographical o CAFGU unit na siyang paramilitary force ng AFP.

Ayon kay AFP Civil Relations Service Commander BGen. Joselito Kakilala, makikipagtulungan ang AFP sa Local Government Unit at Lumad tribal leaders upang mapigilan na maulit ang karahasan sa mga umano’y nag-aaway-away ng mga angkan ng manobo sa CARAGA.

Giit din ng heneral, hindi gumagamit ang AFP ng armadong pakikipagbaka upang resolbahin ang anumang clan war.

Pinagbilinan din ni AFP Chief of Staff Gen. Hernando Iriberri ang mga military unit sa CARAGA na suportahan ang ginagawang law enforcement operation ng Philippine National Police laban sa mga suspect sa pamamaslang sa tatlong Lumad sa Lianga, Surigao del Sur kamakailan.

Una nang lumabas sa imbestigasyon ng PNP na Magahat-Bagani force ang nasa likod ng pamamaslang at bahagi ito ng isang clan war sa lugar sa pagitan ng mga tribong sumusuporta at lumalaban sa pwersa ng CPP-NPA-NDF.(Rosalie Coz/UNTV Correspondent)

Tags: , , ,