Pinawi ng Armed Forces of the Philippines ang pangamba ng publiko sa posibilidad ng kaguluhan kasabay ng pagdaraos ng ASEAN Summit at Miss Universe Event sa bansa.

Ayon sa AFP, nagdagdag na sila ng puwersa para bantayan ang posibleng maging banta sa seguridad katuwang ang mga tauhan ng Philippine National Police.

Ngayong araw nagpadala na ang AFP ng nasa limang daang sundalo sa Davao City bilang paghahanda sa ilulunsad na ASEAN Chairmanship ng Pilipinas sa January 15.

Kinabibilangan ang augmentation force ng K9 units, explosive and ordnance teams.

Pangungunahan ng binuong Task Force Haribon ang pwersa ng AFP sa Davao.

Nakabantay rin ang militar sa Maynila, Palawan, Davao at Vigan kung saan nagkakaroon ng aktibidad ang mga kandidata.

Ayon sa AFP kung paano ang ginawang mahigpit na seguridad sa prusisyon sa Quiapo noong Lunes ay gayundin ang pagbabantay na ipatutupad sa dalawang malaking event ngayong taon.

(Bryan De Paz / UNTV Correspondent)

Tags: AFP, nagpakalat na rin ng mga tauhan para sa seguridad ng idaraos na ASEAN Summit at Miss Universe Beauty Pageant sa bansa