Bonjour smart alarm clock (photo credit: digitaltrends.com)

Ilulunsad sa susunod na linggo ang Bonjour smart alarm clock na makatutulong sa user na i-adjust ang oras ng gising nito kapag mabigat ang trapiko sa kanyang daraanan papunta sa trabaho o saan mang destinasyon.

Posible ito sa pamamagitan ng artificial intelligence na naka-integrate sa naturang alarm clock.

Gamit naman ang voice recognition, maaari ring magtanong ang user sa alarm clock upang alamin kung pwede pa itong mag-extend ng tulog base sa mga kondisyon sa kanyang paligid gaya ng lagay ng panahon.

Pwede ring i-konekta ang Bonjour alarm clock sa smart home devices kaya’t posible na kapag tumunog ang alarm ay bubukas din ang ilaw sa kwarto ng user, tataas o bababa ang thermostat, o mabubuksan ang coffee maker nito.

Tags: Alarm clock, gigisingin nang mas maaga ang user, kung mabigat ang trapiko sa kanyang daraanan