Nagbigay na ng salaysay sa National Bureau of Investigation o NBI ang aktres na si Alma Concepcion tungkol sa mga nasaksihan niya sa close up forever summer concert sa Pasay City nitong nakaraang buwan.
Kwento ni Alma, sinamahan niya ang kanyang anak sa concert
“Ang experience ko very tight yung security. Dalawang levels of security ang nag check ng bag ko. Even tinanggal pa nga yung cologne ko na we had to get it when we get out.” Pahayag ng aktres
Pasado alas onse na ng gabi nang dumating sila sa venue kasama ang kaibigang si Atty. Py Caunan at napansin nilang hindi normal ang ikinikilos ng ibang naroroon.
Di nagtagal, isang teenager umano ang biglang nag collapse halos isang metro lamang ang layo sa kanila.
Ngunit hindi nila masabi kung isa ito sa mga biktima.
Ayon sa aktres nais umano nilang makatulong sa imbestigasyon kaya nagbigay siya ng salaysay.
(UNTV RADIO)
