Muling nagsanib-pwersa ang Land Transportation Franchising ang Regulatory Board, Land Transportation Office at Metropolitan Manila Development Authority para sa pagsasagawa ng anti-smoke belching at anti-colorum campaign.
Sa Makati City pumwesto ang grupo kagabi. Kabilang sa mga nasita ng mga otoridad ang mga jeep na hindi gumagamit ng headlight at overloading o yung may mga nakasabit ng pasahero.
Hinuli rin ang mga nagmomotorsiklo na hindi gumagamit ng standard headlight at sa halip ay gumagamit ng ibang ilaw o blinkers na ipinagbabawal ng LTO.
Ayon kay LTFRB Spokesperson Aileen Lizada, ang mga ganitong operasyon ay bahagi ng pagsusulong sa PUV Moderization program ng pamahalaan.
Dagdag pa ni Attorney Lizada, ang hakbang ay para sa seguridad ng mga pasahero at para na rin sa kalusugan ng mga tao lalo na ng mga bata.
Ang mga nahuli ay inisyuhan ng citation tickets at pinapupunta sa motor vehicle inspection service upang masuri ang tanda ng kanilang sasakyan.
Sinomang may sumbong laban sa mga pasaway na PUV drivers ay maaaring makipag-ugnayan sa LTFRB sa pamamgitan ng kanialng 24/7 hotline number na 1342 o sa mga social media accounts nito.
( Asher Cadapan Jr. / UNTV Correspondent )
Tags: anti-colorum, LTO, Makati City
METRO MANILA – Tiniyak ng Land Transportation Office (LTO) na mawawala na ang natitira sa kanilang backlogs ng license cards at plaka ng motor vehicles sa darating na buwan ng Hulyo.
Ayon sa ahensya, sapat na aniya ang suplay ng plastic cards para sa drivers license ngayong taon kaya wala nang dahilan upang mag isyu ng mga papel na lisenya at magkaroon pa ng backlogs sa pagri-release nito.
Sinabi na rin ni Land Transportation Office Chief Vigor Mendoza kay Pangulong Ferdinand Marcos jJnior sa pulong sa Malakanyang na matutupad ang zero backlogs target sa July 1.
METRO MANILA – Magsasanib-pwersa na ang Department of Transportation (DOTr), Metropolitan Manila Development Authority (MMDA), at Philippine National Police (PNP) sa mga anti colorum operations sa bansa.
Isang kasunduan ang nilagdaan ng MMDA, DOTr, at DILG para bumuo ng isang joint task force para palakasin ang pwersa ng mga nanghuhuli sa kalsada.
Ang nasabing hakbang ay kasunod ng kautusan ni Pangulong Ferdinand Marcos Jr. sa Department of the Interior and Local Government (DILG) na tutukan ang operasyon sa mga colorum vehicle.
Tags: anti-colorum, MMDA, PNP
METRO MANILA – Sisimulan na ngayong araw (April 16) ng Land Transportation Office (LTO) ang distribusyon ng driver’s license na naka-imprenta sa plastic cards.
Kahapon (April 15) nai-deliver na sa LTO Central Office, ang karagdagang 1-M suplay ng plastic cards.
Paalala ng ahensya, sundin lamang ang ibinigay nilang schedule para sa renewal ng driver’s license, na nakapaskil sa kanilang official social media accounts.
Nauna nang binawi ng Court of Appeals ang preliminary injunction na inilabas ng Quezon City Regional Trial Court, na pumipigil sa delivery ng plastic cards sa LTO bunsod ng reklamo ng natalong bidder.
Tags: Drivers License, LTO
