METRO MANILA – Nakikipagugnayan na ang National Task Force (NTF) Against COVID-19 sa Commission on Elections (Comelec) upang masiguro na hindi magiging super-spreader event ang pagdaraos ng May 2022 national at local elections sa bansa.
Bagaman wala pang pinal na desisyon ang Comelec, hinggil sa mga bagong protocols na ipatutupad sa darating na halalan. Isa sa mga tinitignan ng NTF ang posibilidad na palawigin ang botohan nang higit sa 1 araw.
Ayon kay NTF Chief Implementer Secretary Carlito Galvez Junior, ayaw ng pamahalaan na magaya ang Pilipinas sa nangyari sa Estados Unidos at india, kung saan pinagmulan ng mabilis na hawaan ng COVID-19 ang pagdaraos ng eleksyon.
Kaya naman pinagiisipan ng pamahalaan na huwag limitahan sa loob lamang ng 1 araw ang botohan.
“We are looking at the possibility that the election will be a multi-day election, not a single-day election so we can prevent the possible conglomeration of thousands of people in the precincts. For example yung national figure if we have 20 million electorates it will conglomerate at same time, same area, same place malaki ang chances na magkakaroon ng contamination so we are looking at the possibility we will conduct the election in multi day or meron tayong tinatawag na phasing” ani NTF Against COVID-19 Chief Implementer, Sec.Carlito Galvez Jr.
Kumpiyansa si Secretary Galvez na may sapat pang panahon ang kongreso para amyendahan ng batas para palawigin ang araw ng botohan nang higit sa 1 araw.
“I think we have plenty of time we will collectively plan this with Comelec and also maybe with the senate and congress. Kasi ginagawa naman na po natin yan eh, mga tinatawag nating special elections eh, maybe geographic ang gagawin natin for luzon ito yung ano natin, for visayas for mindanao, pwedeng ganun po there are many options on how we could guarantee yung safety ng ating mga electorates” ani NTF Against COVID-19 Chief Implementer, Sec.Carlito Galvez Jr.
Samantala, pinayagan na ng Commission on Election ang pagpapatuloy ng voters registration sa mga lugar na nasa ilalim ng Modified Enhanced Community Quarantine (MECQ), simula sa September 6.
Sa twitter post ni Comelec Spokesperson Director James Jimenez, sinabi nito na aprubado na ito ng Comelec En Banc pati na ang satellite registration sa mga mall. Mula alas -8 ng umaga hanggang alas-5 ng hapon ang pagpaparehistro.
Batay sa naunang regulasyon, suspendido ang operasyon ng Comelec offices sa mga lugar na nakapailalim sa ECQ at MECQ.
(Janice Ingente | UNTV News)
Tags: 2022 National Election, COMELEC, IATF
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
