Sumuko sa 74th Infatry Battalion ng Armed Forces of the Philippines sa Al-Barka Basilan ang Abu Sayyaf member at pinsan umano ng itinuring na emir ng ISIS sa Asya na si Isnilon Hapilon.
Sumuko ang mga ito isang araw matapos na mapatay ng mga militar sa labanan sa Marawi si Hapilon.
Ayon kay Col. Juvymax Uy ng Joint Task Force Basilan, sumuko si Ben Salina Sapilin kasama ang dalawa pa nitong kasamahan na ASG members din noong Martes.
Itinurn-over ng mga ito ang isang M16 A1 rifle, 30-Caliber M1 garand rifle, at isang M79 rifle.
Nanawagan naman si Col. Uy sa kasamahan ng mga ito na sumuko na rin.
Tags: AFP, ASG member, sumuko
