ASOP Year 6 Grand Finals song entry “You’re All I Need”, nai-record na

by Radyo La Verdad | September 27, 2017 (Wednesday) | 2191

Masaya ang ASOP Year 6 Grand Finalist composer na si Jessan May Mirador na mai-record na ang kanyang entry para sa ilalabas na ASOP album.

Ayon kay Jessan, hindi niya akalaing aabot ang kanyang awit na “You’re All I Need” sa grand finals na nabigyan ng ikalawang pagkakataon nang mapili sa producer’s pick.

Ayon sa August monthly winner, malalim ang pinaghugutan niya ng awit at umaasa siyang magsisilbi itong inspirasyon sa iba na magpakatatag sa gitna ng mga bagabag sa buhay.

Ang “Awit Awards” best new female recording artist noong 2016 na si Kris Angelica ang magiging interpreter nito sa grand finals.

Honored si Kris Angelica na makatrabaho si Doktor Musiko, Doc Mon del Rosario dahil bukod sa marami siyang natutunan, mas lalo aniyang naging enhanced ang song entry.

Samantala, nai-shoot na rin ang music video ng “You’re All I Need” kung saan dinayo pa ng ASOP team ang isa sa mga pinaka-popular na tourist destination sa Pilipinas, ang Tagaytay City.

 

( Leslie Longboen / UNTV Correspondent )

Tags: , ,