Dream come true para kina Josh, Bryan at Kim o mas kilala bilang JBK ang makapag-interpret bilang grupo sa a Song of Praise o ASOP Music Festival.

Lapat na lapat sa genre ng JBK ang awiting “Pag-ibig ka oh Dios” na nilikha ni LJ Manzano na taga Davao City kaya’t tinanghal itong “Song of the Week” ngayong Linggo.

Hindi naman inaasahan ni LJ na mapipili ang kanyang obra ng mga huradong sina Dingdong Avanzado, Jaya at Doc Mon Del Rosario.

Tinalo ng naturang entry ang mga awiting “Salita Mo’y aking gabay at liwanag” na komposisyon ni Emy Zenny Cris Gabato na ininterpret ni Apple Delleva at “You are always there” ni Genio Dy na inawit naman ni Jan Nieto.

(Adjes Carreon/UNTV NEWS)

Tags: ASOP Music Festival, JBK