Malaking hamon para kay Police Chief Superintendent John Bulalacao ang bagong posisyon bilang tagapagsalita ng pambansang pulisya.
Sa unang araw niya bilang boses ng Philippine National Police, nangako itong lalabanan ang mga fake news at propaganda.
Ayon kay Bulalacao, naniniwala siyang makapangyarihan ang impormasyon kaya’t humihingi siya ng tulong sa mga lehitimong media organizations para malabanan ang fake news.
Mahalaga aniyang matulungan ang publiko sa pagtukoy kung ano ang totoong impormasyon at kung ano ang kasinungalingan lamang. Tiniyak din ni Bulalacao na babalangkas sila ng mga hakbang upang maging mas transparent at bukas sa publiko ang PNP.
Si Bulalacao ang dating chief directorial staff ng National Capital Region Police Office o NCRPO.
Naging deputy director din siya ng Logistics Support Service, chief of staff ng Civil Security Group, assistant chief ng Firearms and Explosive Office at naging provincial director ng Cavite.
Si Bulalacao ay mula sa PMA Maringal class of 1988.
( Lea Ylagan / UNTV Correspondent )
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Pinabulaanan ng Department of Social Welfare and Development (DSWD) ang kumakalat na video sa Tiktok kung saan nagbibigay umano ang kagawaran ng educational assistance sa mga ma-gaaral buong bansa.
Pinapayuhan ng kagawaran ang publiko na huwag magpapaloko sa naturang post.
Nilinaw din ng DSWD na hindi sila nanghihingi ng personal information online para sa aplikasyon ng educational assistance dahil labag ito sa data privacy act.
Hinihikayat ang lahat na i-report ang account na Philipine Go Today sa Tiktok na siyang nagpapakalat ng maling impormasyon tungkol sa programa at serbisyo ng kagawaran pati na rin ng ibang ahensiya.
METRO MANILA – Nagsanib pwersa na ang Presidential Communications Office (PCO) at ang mga malalaking social media company sa bansa para labanan ang pagpapakalat ng misinformation o fake news sa bansa.
Kabilang sa mga nakiisang socmed giants ang mga kumpanyang Meta, Google, at Tiktok na kapwa nagpahayag ng kanilang suporta sa adhikain ng pamahalaan.
Binigyang-diin ni pco undersecretary for digital media services emerald ridao ang layunin ng gobyerno na matuldukan na ang misinformation at disinformation laban sa mga programa ng pamahalaan at iba’t
ibang indibidwal sa ‘digital sphere’.Naniniwala naman ang opisyal na magagawa ito sa tulong ng socmed giants sa bansa.
Tags: fake news, SocMed Giant
