Patungo na sa Sulu Sea ang Bagyong Samuel. Namataan ito ng PAGASA kaninang 1pm sa layong 70km sa west southwest ng Iloilo City, Iloilo.
Taglay nito ngayon ang lakas ng hangin na 45km/h at pagbugso na aabot sa 70km/h. Kumikilos ito pa-west southwest sa bilis na 40km/h.
Ayon sa PAGASA, nakataas pa rin ang tropical cyclone warning signal #1 sa Romblon, Southern Oriental Mindoro, Southern Occidental Mindoro, Palawan, kasama ang Calamian at Cuyo Groups of Islands, Northern Cebu, Northern Negros Occidental, Guimaras, Iloilo, Capiz, Aklan at Antique.
Ayon sa PAGASA, makararanas pa rin ng malalakas na pag-ulan na posibleng magdulog ng mga pagbaha at pagguho ng lupa sa Calabarzon, Mimaropa, Western Visayas, Aurora, Camarines Norter, Camarines Sur at Catanduanees.
Sa mga susunod na oras ay tinatayang dadaan naman sa Palawan ang bagyo bago ito tuluyang lumabas ng Philippine area of responsibility (PAR) sa Biyernes.
Tags: Bagyong Samuel, PAGASA, Sulu Sea
METRO MANILA – Inianunsyo ng Philippine Atmospheric, Geophysical, and Astronomical Services Administration (PAGASA) na mararanasan ngayong araw ang summer Solstice.
Ito ay isang uri ng astronomical event kung saan mararanasan ang pinakamahabang araw at pinaka-maiksing gabi.
Gayunman magkakaiba ang duration ng daylight sa iba’t ibang lugar buong mundo.
Gaya sa Metro Manila, ayon sa PAGASA nagsimulang sumikat ang araw kaninang 5:28am at lulubog ng 6:27pm.
Nangangahulugan ito na tatagal ng 13 oras ang daylight o ang liwanag ng araw.
METRO MANILA – Inianunsyo na ng PAGASA ang pormal na pagsisimula ng panahon ng tag-ulan sa bansa.
Ayon sa PAGASA, bunsod ng mga naranasang kalat-kalat na mga pag-ulan sa mga nakalipas na araw, dagdag pa ang pagpasok ng bagyong Aghon at pag-iral ng habagat partikular na sa kanlurang bahagi ng Luzon at Visayas ay palatandaan na ito ng opisyal na pagpasok ng panahon ng tag-ulan.
Gayunman, asahan pa rin anila na may mga araw na hindi magkaroon ng mga pag-ulan o ang tinatawag na monsoon breaks.
METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.
Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.
Ayon kay Climate Monitoring and Prediction Section Chief ng PAGASA na si Ana Liza Solis, posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.
Kaya posibleng mararanasan ang malalakas na mga pag-ulan hanggang Disyembre.
