Posibleng abutin ng dalawang taon ang bail hearing ni Senador Jinggoy Estrada sakali patuloy na hindi magkasundo ang prosekusyon at depensa sa pagmarka ng mga ebidensya.
Ito ang pahayag ni Justice Roland Jurado, chairperson ng 5th Division ng Sandiganbayan,sa pagpapatuloy ng pagdinig sa kahilingan ni Estrada na makapag-piyansa sa kasong plunder.
Humarap muli sa Korte ang Anti-Money Laundering Council Investigator na si Atty. Orlando Negradas Jr., ngunit bago pa man nito maihayag ang resulta ng kanilang imbestigasyon sa mga bank accounts ni Sen. Estrada,pinigilan na ito ng mga mahistrado.
Ito ay sa dahilang bigo pa ring magkasundo ang prosekusyon at depensa sa pag-stipulate sa mga dokumento at ebidensya na may kinalaman sa AMLC report. (Joyce Balancio/UNTV News Senior Correspondent)
Tags: AMLC report, Justice Roland Jurado, Sandiganbayan, Senador Jinggoy Estrada
Nakangiti at bakas ang kasiyahan sa mukha ni dating Senador Jinggoy Estrada ilang minuto matapos ibaba ang hatol sa kaniyang matalik na kaibigan na si dating Senador Bong Revilla Jr.
Speechless daw siya sa pagkakataong ito matapos ilabas ang unang desisyon kaugnay ng pork barrel scam. Payo niya sa kaibigan na maglaan ng ‘quality time’ sa pamilya.
Isa si Estrada sa mga idinawit sa ten billion peso pork barrel scam. Subalit pansamantala itong nakalaya matapos payagan ng korte na magpiyansa ng 1.33 milyong piso.
Bukod kay Estrada, pinayagan din ng Sandiganbayan na makapagpiyansa ang kapwa akusado na si dating Senate President Juan Ponce Enrile.
Ayon sa isang legal expert at dean mula sa San Beda College of Law na si Ranhilio Aquino, kahit parehong plunder ang kaso nina Revilla, Estrada at Enrile kaugnay ng pork barrel scam, hindi ito nangangahulugan na ang desisyon sa kaso ni Bong ay siya ring magiging desisyon sa kaso ng dalawang dating mambabatas.
Bukod dito, ipinaliwanag ni Dean Aquino na may mga pagkakataon na bagaman ‘not guilty’ ang sintensya ay pinagbabayad pa rin ng korte ang dating akusado sa civil liability nito, tulad ng kaso ni Bong na ipinasasauli ang P124 milyon.
Sa ngayon ay nililitis pa rin ang kasong pandarambong ni Jinggoy sa Sandiganbayan. Umaasa naman siyang ma-aacquit siya sa naturang kaso.
( Mai Bermudez / UNTV Correspondent )
Tags: Bong Revilla, Jinggoy Estrada, Sandiganbayan
May utos na ang Sandiganbayan na arestuhin si dating first lady at ngayo’y Ilocos Norte Congresswoman Imelda Marcos matapos mahatulang guilty sa mga kasong katiwalian.
Batay sa kautusan ng Sandiganbayan 5th Division noong Biyernes, pina-iisyuhan ng warrant of arrest si Imelda dahil hindi sumipot sa pagbasa ng kanyang sentensiya.
Kinumpiska na rin ng Sandiganbayan ang inilagak nitong piyansa at pinapagpaliwanag sa loob ng tatlumpung araw.
Ipinagpaliban ng Sandiganbayan ang arraignment o pagbasa ng sakdal kay dating Pangulong Benigno Aquino III kaugnay sa Mamasapano incident.
Ito’y matapos maglabas ng temporary restraining order noong February 9 si Chief Justice Maria Lourdes Sereno na chairman ng First Division ng Supreme Court.
Ang inilabas na TRO ay bilang tugon sa apela ng Volunteer’s Against Crime and Corruption sa desisyon ng Ombudsman na kasuhan lamang si Aquino ng graft at usurpation of authority sa halip na reckless imprudence resulting to homicide.
Bukod dito, inatasan din ng SC ang Ombudsman na huwag munang ituloy ang kasong isinampa laban kina Aquino, dating PNP Chief Alan Purisima at dating PNP-SAF Director Getulio Napeñas.
Suportado rin ni Solicitor General Jose Calida ang petisyon ng VACC at sinabing dapat makasuhan ng criminal negligence si Aquino dahil sa pagkamatay ng 44 na tauhan ng PNP-SAF sa Mamasapano incident.
( Rey Pelayo / UNTV Correspondent )
Tags: Aquino, Mamasapano incident, Sandiganbayan
